Рецензии

Рецензија: Шекеринска призна дека семејството Шекеринска-Јанковски има куќа во Маврово

на 5. 11. 2013 | |
Уште од самиот наслов „Шекеринска призна дека семејството Шекеринска-Јанковски има куќа во Маврово“, е видлива намерата заменик претседателката на СДСМ да се претсави во лошо светло. Наспроти тоа што Шеќеринска на прес-конференција јасно кажа (а тоа го пренесува и порталот), дека викендичката не е нејзина сопственост, ниту пак на нејзиниот сопруг:  „тоа е семејна куќа, која припаѓа на мојата свекрва, која патем речено е изградена пред јас да сум во брак“. Овој редакциски текст преку класичен спин сака да ја пласира тезата дека таа,  наводно,  признала дека има имот кој го криела од јавноста. Ваквата тенденциозност, ставена во контекст на дневно политичкиот момент, остава впечаток дека вистинскиот мотив на овој напис е да се наруши угледот на Шеќеринска. Линк

Рецензија: Фото: Али Ахмети е Србин?

на 5. 11. 2013 | | sq
Во воведот на оваа рецензија ви ја пренесуваме целата вест што ја рецензираме тука. Таа има вкупно три реченици, од кои две се во прашална форма: Дали е ова монтажа или реалност? (Фотографија) Најдовме фотографија од познатиот политичар од Македонија од албанските редови, за која се запрашавме дали е ова монтажа или навистина познатиот политичар Ахмети имал бурно минато, како што може да се забележи и од фотографијата. Што мислите вие што се крие позади фотографијава? Главната „јадица„ на оваа новинарска „вест“ е, всушност, фотографијата од копија од наводната патна исправа или лична карта, сеедно, што му била издадена на Али Ахмети со име Александар Антиќ. Фотографијата и „досието Ибар“ каде што беше објавена, во 2010 година беа лиферувани во

Рецензија: Со донација на Захариев бетонирани неколку споредни штипски улици

на 4. 11. 2013 | |
Веста содржи информација дека штипскиот градоначалник Илчо Захариев донирал вреќи цемент за бетонирање на неколку помали штипски улички,  но авторот (непознат) пропуштил да појасни дали Захариев оваа донација ја дава како обичен граѓанин, кој посакал од свој џеб да им помогне на своите сограѓани и да им ги бетонира уличките или, пак, во својство на градоначалник на Штип. Исто така, не е наведен изворот на таа информација. Кога ќе се земат предвид ингеренциите на Општината: „изградба, реконструкција и заштита на локалните и регионалните патишта, улици и други инфраструктурни објекти, од: Надлежности на Општината, Закон за локална самоуправа, 2002 г. и на Градоначалникот „го обезбедува извршувањето на работите коишто со закон и се делегирани на Општината“, Надлежности на Градоначалник, Закон

Рецензија: Извршена конзервација на римската кула во Хераклеја

на 4. 11. 2013 | |
Според информацијата добиена од Министерството за култура, завршена е првата фаза од реконструкција на римската кула на локалитетот Хераклеја Линкестис кај Битола. Кулата е од камен, со пречник од 7.7 метри. И, толку. Линк до оригиналниот напис: Извршена конзервација на римската кула во Хераклеја 
Датум и време на објавување: 24.10.2013 Датум на рецензирање: 2.11.2013   09:25 Рецензент: Александар Писарев Содржајност: Во три пасуси се повторува иста констатација: „Завршена е првата фаза од конзерваторско-реставраторските  зафати за кружната кула“. „Извршена е конзервација и реконструкција на кружната кула.“ „Стручните екипи на Завод и музеј –Битола  извршиле конзервација“…  Кога читателот, во текст од 12 реда ќе прочита три пати по три реда со иста содржина може само да каже „Па што, ако е извршена конзервација“.

Рецензија: Поранешната новинарка Весна Ковачевска Трпчевска ја изгуби тужбата од „Канал 5“

на 4. 11. 2013 | |
Еден од основните темели на секоја демократската држава е поделбата на власта на законодавна, судска и извршна. За земјата нормално да функционира клучен елемент кој треба да биде исполнет е сите овие три власти да бидат независни една од друга и да функционираат паралелно, а не „сплотено“ и една на друга да си навлегуваат во ингеренциите. Значи, ако оваа поставеност ја земеме за појдовна точка, секако имајќи ги предвид пораките кои постојано се праќаат до Македонија за неопходноста од „протерување“ на политиката од судството, тогаш се поставува прашањето зошто во еден новинарски производ се меша правото и политиката? Одговорот кој произлегува од самиот текст е дека тоа секако не е случајно, туку е намерно направено. Линк до оригиналниот напис: Поранешната

Рецензија: „Рикна“ протестот за Шиповиќ

на 4. 11. 2013 | |
Основната забелешка при читањето на овој текст е непочитувањето на принципот на пресумпцијата на невиност. Правилото дека секој е невин додека не се докаже спротивното несомнено важи како стандард при новинарското известување, поради една од новинарските улоги и тенденции да го креира јавното мислење. Авторот генерализира и врз основа на сопствените ставови гради тези. На пример: „Народот не одобрува криминал, а во Македонија поддршка не може да добие личност која е првоосомничена во случај кој се води на суд.“ Авторот користи една од техниките на спинувањето, односно се поистоветува со „народот“. Оваа формулација со која авторот се труди да го потврди, оправда и засили својот личен став врз „широко општоприфатено мислење на мнозинството“ не е поткрепена со факти, бидејќи тоа

Рецензија: Фото: Најлошиот случај на канибализам – човек јаде живо бебе пред камери!

на 4. 11. 2013 | |
Одамна е докажано, низ научни постапки, дека медиумите влијаат врз формирањето на мислењето, навиките и однесувањето на луѓето. Зборот, фотографијата, видеото, и другите графички содржини имаат моќ да предизвикаат неконтролирани емоции доколку исто неконтролирано се пласираат во средствата за јавно информирање. Треба сериозно да се земе предвид предупредувањето објавено на веб страницата на угледното списание „Сајколоџи Тудеј“ (Psychology Today) објавено во текстот „Мозокот, однесувањето и медиумите“ (Brain, Behavior, and Media). Во овој поучен текст се вели дека „вниманието на медиумската публика попушта под силната изложеност на вознемирувачките слики во медиумите. Тоа ја намалува чувствителноста кон насилството, па дури може и да предизвика насилно однесување. Насилството може да биде заразно…“ Звучи предимензионирано, но, релативизирањето на овие медиумски феномени може само да

Рецензија: На погреб со Вест

на 4. 11. 2013 | |
„Првата дама на поранешна Југославија Јованка Броз завчера беше погребана до гробот на нејзиниот сопруг Јосип Броз Тито во Куќата на цвеќето во Белград и по неа жалеа сите оние кои се сеќаваат на поранешната комунистичка федерација како на рај на земјата. На десет илјади почитувачи на делото на Тито од сите поранешни ЈУ републики со рози во рацете чекаа ред да и оддадат почит на жената која 30 години

Рецензија: Може да го заборавиме снегот – метеоролозите прогнозираат „вечна“ пролет во Македонија

на 4. 11. 2013 | |
Насловот на текстот ни ветува “вечна пролет” и ветување дека треба да го заборавиме снегот. Некои од читателите ќе се израдуваат на оваа перспектива, додека други ќе бидат разочарани што снежните радости можеби ќе ги нема повеќе! Но, отворањето на целиот текст ни прикажува само временска прогноза без научни предвидувања за климатските промени. Во текстот дознаваме само какво ќе биде времето во текот на целата недела. Tоа останува убаво во текот на неколку дневниот период за кој метеоролошката прогноза ни дава предвидување но, вечната пролет е само наслов кој што не му одговара на текстот. “На Балканот ќе продолжи сончевото и топло време, па така во понеделник ќе биде сончево и топло. Силен ветер ќе дува во Јадранско и Јонско

Рецензија: ЕУ на Македонија ќе и даде 600 милиони евра, да беше членка на Унијата ќе добиеше 1,7 млрд. евра повеќе

на 31. 10. 2013 | |
Веста е поучен пример за рецензија не само затоа што недостасуваат основни параметри од новинарските стандарди, туку и затоа што е објавена од класична новинска агенција, со што одговорноста за ширењето на неточни податоци е на повисоко ниво поради дисеминацијата што ја прават новинските агенции. Во дадениов случај, да биде „бељата“ уште поголема, оригиналнот на веста е пласиран два-три часа порано од некогаш конкурентската агенција на Макфакс, агенцијата МИА, а во веста што ја рецензираме тоа е сокриено од читателот. Линк до оригиналниот напис: ЕУ на Македонија ќе и даде 600 милиони евра, да беше членка на Унијата ќе добиеше 1,7 млрд. евра повеќе
Датум и време на објавување: 30.10.2013 Датум на рецензирање: 31.10.2013 Рецензент: Теофил Блажевски Вистинитост: Нема ниту