verifikimiifakteve.mksitemap
verifikimiifakteve.mksitemap

Сервис за проверка на факти од медиумите

Проект на УСАИД за зајакнување на медиумите во Македонија
USAID Logo

Рецензија: Шекеринска призна дека семејството Шекеринска-Јанковски има куќа во Маврово

on 5 - 11 - 2013       

Шекеринска призна дека семејството Шекеринска Јанковски има куќа во Маврово-crtop-resize

Уште од самиот наслов „Шекеринска призна дека семејството Шекеринска-Јанковски има куќа во Маврово“, е видлива намерата заменик претседателката на СДСМ да се претсави во лошо светло. Наспроти тоа што Шеќеринска на прес-конференција јасно кажа (а тоа го пренесува и порталот), дека викендичката не е нејзина сопственост, ниту пак на нејзиниот сопруг:

 „тоа е семејна куќа, која припаѓа на мојата свекрва, која патем речено е изградена пред јас да сум во брак“.

Овој редакциски текст преку класичен спин сака да ја пласира тезата дека таа,  наводно,  признала дека има имот кој го криела од јавноста. Ваквата тенденциозност, ставена во контекст на дневно политичкиот момент, остава впечаток дека вистинскиот мотив на овој напис е да се наруши угледот на Шеќеринска.

Шекеринска призна дека семејството Шекеринска Јанковски има куќа во МавровоЛинк до оригиналниот напис: Шекеринска призна дека семејството Шекеринска-Јанковски има куќа во Маврово

Датум и време на објавување: 02.11.2013 – 16:04

Датум на рецензирање:  04.11.2013

Рецензент: Оливера Војновска

Вистинитост: Јавно дадената изјава на заменик претседателката на СДСМ е искористена за манипулација:

  „Шеќеринска потврдува дека тоа е семејна куќа“,

за во вториот дел од реченицата да се додаде битната работа

„која и припаѓа на нејзината свекрва“.

Извори на информации: Извори на информации се прес-конфернциите на Шеќеринска и  на ВМРО-ДПМНЕ, од кои потоа во насловот се извлекува сензационалното „признание“, кое, пак, не може да се потврди во текстот.

Содржајност: Иако на прв поглед написот делува како да ги има опфатено и двете страни, сепак, со внимателно читање  на објавените делови од пресовите се забележува интенцијата да се нападне Шеќеринска.

Пристрасност:  Со дезинформацијата која се пласира во насловот,  јасно  се покажува политичка наклонетост.

Коментирање:  И покрај тоа што текстот  не соодржи експлицитни  коментари, сепак вакви елементи се протнати во наративниот дел од пресовите. Како што е направено, на пример,  во финишот од написот, каде  зад оградата „од таму велат“ се посочува дека на :

“на јавноста и станува кристално јасно дека таа како лажен социјалдемократ, не само што поседува огромен недвижен имот и богатство, туку и вешто го крие“

Оригиналност/Плагијат: Како автор е наведен сајтот. Но, изминативе денови вакви написи со некои варијации во насловот (ама со истата теза) беа пласирани во повеќе медиуми кои отворено ја поддржуваат власта.

Квалитет на насловот: Насловот е бомбастичен и веднаш паѓа во очи. Тој, всушност, е најпроблематичен во овој текст.

Фотографија: Написот е илустриран со фотографија од пресот на Шеќеринска, на која таа делува како да се оправдува.

Говор на омраза: Насловот, како и фрагменти од пресот на ВМРО-ДПМНЕ

„Од една страна во весници се фали дека има сопствена куќа и се слика во неа и околу неа како холивудска глумица, а од друга страна имотот го регистрира на некој од кого во иднина ќе го наследи,“

укажуваат на намерата, преку овој текст да се дискредитира  личноста на заменик претседателката на СДСМ.

Заклучок: Порталот  излегува со тенденциозен наслов со кој редакцијата се обидува да ја убеди јавноста дека Шеќеринска е таа која го прекршила Законот и не го пријавила целосно својот имот.  Освен очигледниот мотив за политичка дискредитација, написот заедно со серијата слични содржини објавени на овој сајт, како и на повеќе други медиуми, има за цел да креира случај со имотниот лист на заменик потпретседателката на СДСМ и вниманието да го пренасочи кон неа.

Шеќеринска деновиве беше изложена на лавина обвинувања од страна на власта, откако од собраниската говорница го прозва директорот на УБК и побара одговор од премиерот за тоа „како неговиот братучед и шеф на тајната полиција во овие седум години успеал да го дуплира имотот“.


Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).

ИНФОГРАФИК

infoVistinitostВИСТИНИТОСТ

има факти

делумно

не може да се утврди веродостојноста на наводите

infoVistinitostИЗВОРИ НА ИНФОРМАЦИИ

има евидентирани извори

официјални

релевантни

2 извори

повеќестрани

infoVistinitostСЕОПФАТНОСТ

делумно

можеби се прикриени информации

infoVistinitostПРИСТРАСНОСТ

делумно прикажува вистина

извртување на вистина (спин)

наклонетост

политичка пристрасност

infoVistinitostКОМЕНТИРАЊЕ

има коментаторски елементи

интегрирано со фактите

infoVistinitostПЛАГИЈАТ

не може да се одреди

наведен автор

infoVistinitostКВАЛИТЕТ НА НАСЛОВОТ

дезинформира

атрактивен

сензационален

несоодветен

тенденциозен

infoVistinitostФОТОГРАФИЈА

има

соодветна

на одреден начин манипулира

ненаведен автор(извор)

infoVistinitostГОВОР НА ОМРАЗА

говор кој дискредитира

нема говор на омраза

не потикнува на насилство

не дискриминира

infoVistinitostУРЕДЕН ЗА ВЕБ

средно читлив

солидни мултимедијални елементи

нема контекстуални линкови

делумно стилски уреден

неповрзан со тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Претплатете се за најнови вести