„Средба меѓу поклоненици на Конфучионизмот, научници по вокација, политичари по занимање може да помине само успешно. Вака со една реченица може да се опише првата средба меѓу Претседателот Ѓорѓе Иванов со неговиот кинески колега Си Џипинг во Пекинг на 20 годишнината од воспоставувањето на дипломатските односи меѓу двете земји. Двајцата констатираа дека политичките односи се на највисоко историско ниво со тенденција за нивно продлабочување“. Релативно долгиот извештај од стартот на посетата на претседателот Ѓорѓе Иванов на Кина содржи прилично поединости за тоа со кого се сретнала македонската екипа, само што немаме никаков конкретен „доказ“ дека дописникот е навистина на лице место – ниту една изјава од домаќините (само една протоколарна од домаќинот – кинескиот претседател Џипинг) – политичари, бизнисмени, здравствени

Како еден од поновите информативни портали во македонскиот медиумски простор, порталот Фактор претставува позитивен исчекор поради приоритетот што им ги дава на темите од областа на економијата, финансиите и бизнисот воопшто, па  објавениот текст на тема кои бизниси во Македонија се осудени на неуспех разбирливо привлекува внимание. Текстот има добра структура, интересен приод, солидна аргументација, пишуван е во лесен и разбирлив стил, прифатлив за поширок аудиториум. Детектира глобални трендови, кои се рефлектираат и на домашниот бизнис амбиент, што го прави уште поинтересен за читателската публика. Темата е атрактивна, а написот нуди практични информации, но опасноста да биде сфатен како само уште едно лесно четиво, а не како професионално обработена тема, лежи во тоа што на текстот му недостасуваат цитирани извори

Почит кон вистината и кон правото на публиката на таа вистина е темелниот принцип на едно професионално и одговорно новинарство. Новинарите пренесуваат информации, идеи и мислења. Откриваат и укажуваат. Во новинарите се инкарнира слободата на изразувањето, но и одговорноста таа слобода да не се злоупотребува. Без разлика дали работат во јавен или приватен медиум, сите делат иста јавна одговорност. За жал, овие основни етички принципи на новинарството некои припадници на професијата сѐ уште ги компромитираат. Линк до оригиналниот напис: И австриски медиуми ги прoчитаа вистинските мотиви за апсењето на Шиповиќ Датум и време на објавување: 20.10.2013 Датум на рецензирање: 21.10.2013 Рецензент: Зоран Бојаровски Вистинитост: Непрофесионалното и неодговорно преземање на „вест“ од еден крајно нерелевантен извор и неговo неодговорно пренесување создал

„За една недела, од читателите е побарано да одговорат на прашањето: Дали македонската влада ги дискриминира албанските медиуми? Апсолутното мнозинство, вкупно 1.202 гласови се изјасниле дека постои таква дискриминација во медиумскиот пазар во земјата.“ „Во меѓувреме, привремено беше затворен и дневниот весник Журнал Плус во знак на протест за дискриминацијата за доделувањето на владините реклами и други неправилности.“ Иако главниот мотив на овој напис и порано, одвреме-навреме, бил предмет на интерес, при што можеби е откриена или не „дискриминација на албанските медиуми“, пристапот по ова прашање овде несомнено е придружен со голема доза на застранување во однос на новинарските стандарди. Сензационализмот се дефинира како еднострано и контраверзно известување со склоност за преувеличување

Непотребна и сосема погрешна аналогија е направена со констатацијата додадена на информација пренесена од други медиуми. Главната вест е објективно, но не и целосно пренесена во написот. Не е јасно што го инспирирало авторот да направи споредба со протестите, коишто цели две години беа организирани во македонскиот главен град, по повод убиството на Мартин Нешковски, а случајот беше затворен со судска завршница. Линк до оригиналниот напис: Фото: Вака се протестира во Русија Датум и време на објавување: 15.10.2013 Датум на рецензирање: 19.10.2013 Рецензент: Тони Димков Вистинитост: Фактите пренесени во главната вест се точни и нивната веродостојност може лесно да се провери, бидејќи информациите за протестите се пренесени во голем број светски медиуми. Извори на информации: Авторот на текстот не наведува

Овој текст се обидува да информира за одлуката на Советот на општина Центар за неизгласување на ДУП-овите со што се спречува промената на изгледот на ГТЦ и зградата на ЕВН, како и што таквиот чекор, според мнозинството во општината, би требало да значи за архитектурата на постземјотресно Скопје. Но, тој излегува надвор од главната цел – да информира – и добива лик на производ кој ја турка позицијата на другата страна: по секоја цена и овие два објекта да добијат нов, барок имиџ. Во текстот се забележуваат низа извори на кои наводно им пречела таквата одлука на општинскиот совет без тие јасно и доволно да се прецизираат. Истовремено, се наведуваат причини, како аргументи, иако дел необјективни, зошто треба да се

Навестувањето на евентуалната одлука на претседателот на ДИК, Борис Кондарко, да си поднесе оставка, која доколу се реализира би имала сериозна рефлексија врз текот на одредени битни општествени случувања како што е (не)одржувањето на избори, е во фокусот на овој прилог. Текстот има тенденција да обработи една важна тема од политичкиот живот на земјава, но тоа го прави на безмалку ноншалантен и површен начин ако се земат предвид базичните стандарди на новинарското работење. Станува збор за вест во која не е контактиран ниту еден извор на информации, вклучувајќи ги и оние на кои најдиректно се однесува, а изјавите врз кои се базира веста се преземени од друг медиум, во конкретниов случај 24vesti.mk и тоа пренесени или искоментирани вон оригиналниот контекст

Оваа рецензија има за цел да укаже на тоа како една умерена и одмерена новинарска сторија со наслов „Кобниот пат од Капиштец до Кисела Вода“ во еден наш печатен медиум (објавена и на електронското издание на медиумот), се претвора во сензационалистички во друг онлајн медиум и, соодветно да потсети на погубноста од феноменот копи-пејст новинарство кое го преплави македонскиот интернет простор, како и на уште една – можеби и поважна работа – дополнителната траума на жртвите и на најблиските на жртвите од новинските написи кога се известува за трагични настани. Линк до оригиналниот напис: Младоженецот се спасил во последен момент – нови детали за сообраќајката кај Рампа Датум и време на објавување: 15.10.2013 Датум на рецензирање: 17.10.2013 Рецензент: Зоран Бојаровски

Основата на текстот е дека според анкетата на Австриското друштво за европска политика, Австријците се уморни  од ширењето на Европската унија, а со тоа и од прием на новите членки од Балканот. Три четвртини од испитаниците сметаат дека ширењето на ЕУ е „малку“ или „целосно“ неважно. Тие се против прием на Турција, БиХ, Србија, Црна Гора, Албанија и Македонија. Дадени се и проценти кои произлегуваат од анкетата. (Напомена: според правописот на македонскиот литературен јазик, жителите на Австрија се нарекуваат Австријци, а не Австријанци, термин кој што се користи во текстот што се рецензира и во неговиот наслов, кој се користи интегрално и како дел од насловот на рецензијата.)  Линк до оригиналниот напис: Австријанците се против прием на Турција и балкански

„Може да имате милион идеи, но сите се безвредни доколку не преземете нешто да ги реализирате. Можеби сакате да основате свој бизнис, да креирате нешто ново, и секогаш си велите дека не е вистинското време. Вистински момент не постои, треба сами да го создадете.“ Ова е цитат на еден од поударните текстови за студентите-претприемачи, што го рецензираме овде. Пишувањето за студентски теми и згора за вистинско, издашно помагање на креативноста на нашите високошколци е толку ретко, така што темата за наградените претприемачи навистина делува освежително. И тоа со суми од кои обичниот човек го боли главата. Но, ако случајно побарате да ги видите тие наградени млади луѓе, немате шанса. Во ниту еден медиум нема фотографија на која ќе видите кој