Рецензии

Рецензија: Скандал во Општина Центар

на 7. 06. 2013 | |
Ако секој медиум писмата од читатели или, како во овој случај, писмото од „загрижен граѓанин“, ги пласира како новинарски текст, без да ги провери обвинувањата во нив и без јасно да разграничи што е текст, а што писмо, тогаш, за што служат новинарите?

Рецензија: Македонија воведе низа мерки пред Србија и Хрватска

на 7. 06. 2013 | |
Во вестите на Канал 5 излезе необичен прилог кој говори за тоа како Србија и Хрватска ја копираат Македонија во донесувањето на одредени социјални мерки, ама нивните ЕУ ги признава штом тие одат напред во евроинтеграциите, додека оние во Македонија се игнорирани. Ваквата компарација секако наиде на потсмев на социјалните мрежи и тоа токму од стручњаците за евроинтеграции. Јасно, се работи за методолошка споредба која за ЕУ во мигот не е значајна, бидејќи, Унијата за да ни олесни, ги сведе своите приоритетни барања на само пет сегменти кои се главно од политичкиот сектор, јавната управа и слободата на медиумите. Ама и тука паднавме.

Рецензија: 5 нови инвестиции во Петровец, во албанските региони нула?

на 7. 06. 2013 | | sq
Типичен пример на деформација на информацијата и ориентација на една нерелевантна вест за една проблематика, која што претендира да ја прикаже дискриминацијата на Албанците од страна на владата. Иако наводот е поставен на самиот наслов, во внатрешноста на текстот нема ниту еден факт што би го потврдило тоа. Ова е една од честите вести што се објавуваат во медиумите, кои преку сензационален наслов и надвор од сорджината ја изместува информацијата во нешто сосема друго. Инвестициите во албанските региони би можела една сосема друга тема, која што би се потрела врс други извори, кои што воопшто не се однесуваат на ова вест. Линк до оригиналниот напис: 5 нови инвестиции во Петровец, во албанските региони нула? Датум и време на објавување: 05.06.2013 

Рецензија: Македонија четврта најмалку задолжена земја во Европа

на 6. 06. 2013 | |
Основниот навод во веста, дека земјава е четврта најмалку задолжена во Европа, не е точен. Другите констатации се, исто така, сомнителни. Како нивен извор се спомнуваат големи имиња како лондонскиот неделник Економист, ММФ и Светската банка, но дел од овие наводи не можат да се проверат. Она што е најсимптоматично е фактот што оваа вест се појави истиот ден кога јавниот долг на Македонија порасна на нивото од 34,1 отсто од БДП, што претставува највисоко ниво во изминативе 7 години. Но, ова воопшто не се спомнува, иако кога станува збор за долгот, неговиот раст беше вест на денот. Исто така, станува збор и за вест која е многупати повторена. Нејзината цел е јасна – да го намали ударот од негативниот

Рецензија: ДУТ, Aртан Груби известува за нападот врз колегата, познатиот аналитичар Имер Исмаили

на 6. 06. 2013 | | sq
Веста објавена на Алмакос преку претпоставки и непроверени факти до крај, претендира до читателот да пласира непотврдена информација дека нападот на студентите на ДУТ во Скопје, врз професорот и аналистот Имер Исмаили, е објавена од еден портал, чиј што сопственик е функционер на ДУИ, Артан Груби. Атрибуцијата на оваа вест на Артан Груби, особено начинот кој што е наведен во насловот, создава забуна околу неговата замешаност во вој настан, за мотиви кои што може само да се претпостават. Линк до оригиналниот напис: ДУТ, Aртан Груби известува за нападот врз колегата, познатиот аналитичар Имер Исмаили Датум и време на објавување: 05.06.2013 | 01:11:00 Датум на рецензирање: 06.06.2013 Рецензент: Бардил Заими Вистинитост на факти: Веста се повикува на една информација објавена на

Рецензија: Заев лидер или само привремен претседател?

на 5. 06. 2013 | |
Тенденциозна квази анализа која преку спин има крајна цел да ја убеди јавноста за две нешта:
  1. Бранко Црвенковски и натаму е вистинскиот лидер на СДСМ;
  2. Зоран Заев е формален претседател на партијата кој има „предавнички ставови за името“, кој е реваншист и кој е аболициран криминалец.

Рецензија: Статистика: 21.294 денари просечната нето плата во март

на 4. 06. 2013 | |
Веста има грешка и тоа во најважниот податок – во толкувањето на индексот за растот на платите со што таа е промашена. Настрана фактот што не е јасно за кој раст станува збор – номинален или реален. Таа е едноставно препишана од две соопштенија на Државниот завод за статистика споени во една вест. Заради тоа, таа е преоптоварена со куп непотребни бројки. Наместо препишување на стручните, неновинарски и нејасни соопштенија на Државниот завод за статистика, авторот требало да го проанализира целото соопштение, особено придружните табели, и самиот да извлече свои заклучоци.

Рецензија: Не се знае дали Кежаровски зел поткуп

на 3. 06. 2013 | |
Почнувајќи од насловот кој сугерира можност колегата Кежаровски да зел поткуп за откривање на заштитен сведок во истрага, иако во самиот текст нема основ за тоа, преку содржината, темелена на пренесена вест од Макфакс за апсењето на повеќе лица поврзани со еден случај на убиство во Велес, меѓу кои и Кежаровски, па и со несреќното вметнување на пасус кој нема врска со темата туку со новинарското работење на Кежаровски, целиот напис остава впечаток на сензационалистички мотивиран, занаетски лош и некоректен новинарски производ, кој озгора на сè, на колега му го повредува правото на пресумпција на невиноста и му го нарушува угледот. Останува нејасно зошто токму Кежаровски е апострофиран со име и идентитет во насловот и во текстот иако и другите