verifikimiifakteve.mksitemap
verifikimiifakteve.mksitemap

Еклатантен пример за „патриотскиот“ говор на омраза

on 27 - 04 - 2015       
Овој напис го има и на: Албански

Тито Петковски се заканува со насилство iNFOMAX-crop-resize

[Рецензија: Срамота на годините: Тито Петковски се заканува со насилство кон средината на следниот месец]

Написот е политички пристрасен, полн со коментари и со навредливи епитети, како „имбецил“, „предавник“ и слично, на сметка на лидерот на НСДП, Тито Петковски, кои имаат цел дискредитација на неговата личност и политичко дејствување.

Тито Петковски се заканува со насилство iNFOMAXЛинкуван наслов на анализираниот напис: Срамота на годините: Тито Петковски се заканува со насилство кон средината на следниот месец

Датум и време на објавување: 19.04.2015

Датум на рецензирање: 22.04.2015

Рецензент: Ана Анастасовска

„Одметнатиот СДСМ-овец, член на комунистичката КПМ, доживотен шетач по фотељи, апсолутен предавник дури и на своите партиски колеги и пензиониран поддржувач на терористите од УЧК од тетово се закани со насилства и немири кон средината на следниот месец.“

Уште на самиот почеток на текстот, кој отскокнува од сите новинарски стандарди, авторот користи говор на омраза и на етикетирање, со што го прекршува 10. член од Кодексот на новинари, а таквиот тон се задржува до крајот на написот.

Во Кодексот, прецизно и јасно се наведува дека:

Новинарот нема свесно да создава, ниту да преработува информации што ги загрозуваат човековите права или слободи, нема да говори со јазикот на омразата и нема да поттикнува на насилство и на дискриминација по која било основа (национална, верска, расна, полова, социјална, јазична, сексуална ориентација, политичка…).

Авторот не се потрудил на читателот да му понуди никаков факт и доказ, туку само негови мислења и квалификации за Петковски. Точно е дека новинарот има право да коментира и да зазема политичка страна, но не на ваков начин, особено ако не е јасно наведен, со име и со презиме, авторот на текстот. Во написот, лидерот на НСДП се прикажува како некој олош кој, наводно, прави кривично дело и повикува на насилство. Пренесена е изјава на Петковски дадена за агенцијата „Мета“, но во изјавата никаде не може да се препознаат такви повици.

„И во нашата земја, но и во регионот, познати се неколку методи за промена на владата. Првиот метод е во тек, а тоа се објавување на сите валкани работи кои власта ги правела, во изминатиов период. Ако со овие компромитирачки аудиоразговори не се повлече владата, тогаш најверојатно кон крајот на овој месец или почетокот на следниот месец, ќе следуваат масовни протести, со цел владата на Груевски да падне – изјави Петковски.“

Она што е факт во изјавата на Петковски е дека тој најавува масовни протести против Владата и тоа не е кривично дело, туку уставно загарантирано право на секој поединец. Добро е што во написот е пренесена изјавата на Петковски, така што читателот може да ја прочита и да добие јасна слика за неговите ставови, а не за ставовите на авторот, кој, очигледно, сака да манипулира со јавноста.

Во последно време како печурки по дожд никнуваат вакви и слични написи кои се промовираат како новинарски, а всушност, отскокнуваат од сите новинарски стандарди. Во нив често може да се препознае „патриотскиот“ говор на омраза, кој е опишан во анализата на магистерот по човекови права, Жарко Трајаноски, насловена  „Патриотски“ говор на омраза: омраза кон внатрешните „непријатели“. Според Трајаноски, „патриотскиот“ говор на омраза честопати се користи како инструмент за психолошко насилство врз критичарите на актуелната власт, од провладини политичари, новинари или колумнисти.


Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).

ИНФОГРАФИК

infoVistinitostВИСТИНИТОСТ

има факти

неточни наводи

неверодостојни наводи

infoVistinitostИЗВОРИ НА ИНФОРМАЦИИ

има евидентирани извори

официјални

релевантни

1 извор

еднострани

infoVistinitostСЕОПФАТНОСТ

несеопфатнo

прикриени информации

infoVistinitostПРИСТРАСНОСТ

невистинита

извртување на вистина (спин)

лажни информации

наклонетост

политичка пристрасност

infoVistinitostКОМЕНТИРАЊЕ

има коментаторски елементи

интегрирано со фактите

infoVistinitostПЛАГИЈАТ

оригинално дело

ненаведен автор

infoVistinitostКВАЛИТЕТ НА НАСЛОВОТ

дезинформира

некреативен

сензационален

соодветен

тенденциозен

infoVistinitostФОТОГРАФИЈА

има

соодветна

информира

ненаведен автор(извор)

infoVistinitostГОВОР НА ОМРАЗА

навредлив говор

говор на омраза

не потикнува на насилство

дискриминира

infoVistinitostУРЕДЕН ЗА ВЕБ

средно читлив

неквалитетни мултимедијални елементи

нема контекстуални линкови

делумно стилски уреден

неповрзан со тагови

Напишете коментар

Вашата адреса за е-пошта нема да биде објавена. Задолжителните полиња се означени со *

This site uses Akismet to reduce spam. Learn how your comment data is processed.

Претплатете се за најнови вести