За Албанците без Албанци
Објавено во Рецензии
on 21 - 11 - 2015 Автор: Љубомир Костовски
[Aналитичари: Сценариото за федерализација за партиски цели нема да успее]
Една од темите што имаат „групен третман“ во домашните медиуми е и прашањето на т.н. федерализација на земјава. Повод е конференцијата закажана за 1 декември, на која ќе се проследи презентацијата на извештајот за спроведувањето на Охридскиот рамковен договор, направен од Институтот за мир на фамозниот аналитичар Питер Фејт. И политичката редакција на телевизијата „Алфа“ се вклучила во обработка на таа тема и тоа со амбиција за тоа пред камерите да говорат аналитичари. Дали таа задача што си ја задала оваа ТВ-куќа е остварена и дали по тоа на гледачот работите му биле појасни?
Линк до оригиналниот напис: Aналитичари: Сценариото за федерализација за партиски цели нема да успее
Датум и време на објавување: 19.11.2015, 17:39
Датум на рецензирање: 20.11.2015
Рецензент: Љубомир Костовски
„Се зголемува револтот за сценариото за федерализација на Македонија. Експертската јавност предупредува дека за партиски цели се туркаат опасни идеи кои никому не носат добро. Македонија насилно се обидува да се наметнат идеи за ново државно уредување. Во време кога владата функционира со неколку технички министри и со јасно одреден термин за избори некои структури кои не и мислат добро на Македонија за лични или партиски интереси на мала врата заговараат дебата за федерализација, велат познавачите.“
Најпрвин треба да се рече дека место аналитичари, сме добиле еден колумнист – Сотир Костов, кој, како што се вели „од нога“, кажува дека идејата за разгледување на Охридскиот договор е опасна поради тоа што во владата во мигот имаме технички министри(!), како и дека особено опасна е идејата за премиер Албанец. Не е образложено кој тоа се додворува на албанските партии, ниту што е тоа федерализација. Значи, ниту имаме одговор на прашањето од насловот, ниту имаме множина од аналитичари?!
Просто е неверојатно зошто се менуваат жанровите – ако имате еден соговорник, тоа го крстите интервју (кусо или долго, сеедно), а особено е тука проблематично што им се ставаат одредени и наводни тези за федерализацијата на некои јавни личности, кои се само споменати, по име и по презиме. Не е цитирана ниту една реченица во прилог на тврдењето од споменатите „албанофили“, иако текстови и коментари од нивна страна имало доволно. Секако, најдобро е тие самите да бидат поканети да кажат нешто на темата. Можеби и други аналитичари со реноме би фрлиле дополнителна светлина на темата, особено зашто се работи за интеретничка тема, каде отсуството на албанскиот фактор премногу боде очи.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
нема факти
неточни наводи
неверодостојни наводи
ИЗВОРИ НА ИНФОРМАЦИИ
Најавени се аналитичари, снимен е само еден
официјални
нерелевантни
1 извор
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
не може да се утврди
извртување на вистина (спин)
лажни информации
наклонетост
политичка пристрасност
КОМЕНТИРАЊЕ
нема коментаторски елементи
издвоено од фактите
ПЛАГИЈАТ
оригинално дело
наведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
се работи за ТВ прилог
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
навредлив говор
нема говор на омраза
Некои лица се споменуваат како анацаионални што може да ги претвори во предмети на насилство
дискриминира
национална дискриминација
УРЕДЕН ЗА ВЕБ
читлив
солидни мултимедијални елементи
нема контекстуални линкови
делумно стилски уреден
неповрзан со тагови