Смртоносни пеперутки-мутанти напаѓаат секојдневно! Само не знаеме каде
Објавено во Рецензии
on 18 - 07 - 2015 Автор: Ана Анастасовска
[Рецензија: Внимавајте: Смртоносни пеперутки-мутанти напаѓаат секојдневно!]
Веста што е предмет на оваа рецензија е непрофесионална од неколку новинарски аспекти. Насловот е нејасен и може да го наведе читателот на погрешно толкување, во текстот нема никакви факти, докази и извори, а спорна е и фотографијата.
Линкуван наслов на анализираниот напис: Внимавајте: Смртоносни пеперутки-мутанти напаѓаат секојдневно
Датум и време на објавување: 10.07.2015
Датум на рецензирање: 17.07.2015
Рецензент: Ана Анастасовска
Веста почнува со бомбастична најава во насловот: „Внимавајте: Смртоносни пеперутки-мутанти напаѓаат секојдневно“. Каде напаѓаат овие пеперутки е прашањето што логично се поставува. Исто така, логично е читателот да помисли дека ова се случува во Македонија, уште повеќе што само два дена пред објавувањето на оваа вест, на 8 јули, македонските медиуми објавуваа вести дека бели непознати пеперутки се појавиле во Охрид и дека од контакт со нив луѓе добивале силни алергиски реакции.
Но, кога ќе ја отворите веста, ќе видите дека предупредувањето е наменето за луѓето во Србија, а не за Македонија.
„Отровни инсекти секојдневно напаѓаат во Србија, а помеѓу каснатите има и деца.“
И ваквата најава не е веродостојна. Авторот на написот нема напишано каде во Србија се појавиле овие пеперутки, колку жртви има од каснувањето на пеперутките, нема изјави од доктори, од пациенти, немa извори на веста, нема ништо.
„Пеперутките на крилата имаат отровни иглички, а најчесто ги напаѓаат луѓето во вечерните часови. До сега во болница завршија над 100 деца.“
Од каде е преземена веста, нема наведено, ниту, пак, има ставено линк. Не е познато ниту дали српските медиуми воопшто пишувале на оваа тема. Ништо од тоа не може да се дознае во текстот, поради што се доведува во прашање неговата веродостојност.
Исто така, она што е интересно е фотографијата која е употребена во написот. На неа е прикажан венецуелски молец-пудлица, екстремно редок вид молец кој беше неодамна откриен. Сликата е земена бесправно од фликер-фидот на д-р Артур Анкер, без да се наведе извор.
Новинарот мора да знае дека негова задача е да го информира читателот, а не да „го вади од памет“, како што е случајот со овој текст, а при тоа да не користи никакви факти и докази. Вака пренесен текстот не е ништо друго, туку приказна за мали деца.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
нема евидентирани извори
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
нема извртување на вистина (спин)
не може да се утврди
Не може да се утврди
КОМЕНТИРАЊЕ
нема коментаторски елементи
издвоено од фактите
ПЛАГИЈАТ
оригинално дело
ненаведен автор, ненаведен извор
КВАЛИТЕТ НА НАСЛОВОТ
информира
некреативен
сензационален
соодветен
тенденциозен
ФОТОГРАФИЈА
има
несоодветна
манипулира
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
солидни мултимедијални елементи
нема контекстуални линкови
делумно стилски уреден
неповрзан со тагови