Текст на стаклени нозе
Објавено во Рецензии
on 15 - 12 - 2015 Автор: Владо Ѓорчев[Рецензија: „Прес 24“: Хаос во СДСМ – делегатите не сакаат да присуствуваат на програмскиот Конгрес на Заев во недела]
Станува збор за тенденциозен материјал чија намера е да креира перцепција дека СДСМ се соочува со големо внатрепартиско незадоволство. Главните карактеристики на овој текст се премногу шпекулации и отсуство на кредибилни извори.
Линк до оригиналниот напис: „Прес 24“: Хаос во СДСМ – делегатите не сакаат да присуствуваат на програмскиот Конгрес на Заев во недела
Датум и време на објавување: 11.12.2015, 21:46
Датум на рецензирање: 14.12.2016
Рецензент: Владо Ѓорчев
РЕКЛА – КАЖАЛА
Написот стои на стаклени нозе и е со крајно проблематична вистинитост. Тој се повикува на неименувани извори, се темели на шпекулации и на муабети рекла-кажала и ниту едно од изнесените тврдења не може да се докаже:
„Нашиот извор вели дека Конгресот првично требало да се одржи на Скопскиот саем но поради катастрофалната состојба во СДСМ и слабиот интерес меѓу делегатите и членството раководството се решило конгресот да се префрли во хотелот Александар Палас. Но и ова место најверојатно ќе биде сменето поради очајната состојба во која се наоѓа партијата и демотивираноста на членството и конгресот најверојатно ќе се одржи во хотелот Холидеј Ин. Оваа постапка на СДСМ според нашите извори постарото членство ја примило како уште една приватна забава на Зоран Заев и најтесното крило…“
Ваквата (дез)информација, инаку, е преземена од друг медиум и пласирана без никаква дополнителна проверка. Фактички, се покажува стопроцентна доверба кон анонимните извори на кои се потпира оригиналниот напис.
Иако, несомнено, не било никаков проблем да се земе став од СДСМ, очигледно е дека во овој необјективен и некоректен текст воопшто и не била планирана втората страна. Тоа, пак, е спротивно на новинарските стандарди кои, меѓу другото, налгаат:
- Новинарот треба да објавува точни, проверени информации и нема да прикрива суштински податоци…
- Доколку информацијата не може да се потврди или станува збор за претпоставка, односно шпекулација, тоа треба да се каже и да се објави.
- Точноста на информацијата треба да се провери колку што е тоа можно. (прв амандман)
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
нема факти
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
анонимни
нерелевантни
не може да се утврди
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
целосна копија
ненаведен автор, наведен извор без линк
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
солидни мултимедијални елементи
нема контекстуални линкови
стилски уреден
поврзан со тагови