Со леснотија фрлена вина врз студентите
Објавено во Рецензии
on 17 - 12 - 2015 Автор: Владимир Мирчески
[Рецензија: Разумот надвладеа, пред Ректоратот на УКИМ е мирно и нема насобрани студенти]
Ова е некаква форма на своевидно обвинителско-судско четиво. Туку-така, многу лесно се нафрлува нечија вина, демек вистинска, постоечка, за настаните пред Ректоратот на скопскиот универзитет. Имаме непотребно заземање страна во една иницијатива која е јасна манифестација на студентскиот дух во секоја, барем малку нормална и демократска држава, а тоа е недавање бланко поддршка на одлуките на политичкиот естаблишмент, особено кога ја загрозуваат универзитетската автономија.
Линк до оригиналниот напис: Разумот надвладеа, пред Ректоратот на УКИМ е мирно и нема насобрани студенти
Датум и време на објавување: 15.12.2015, 01:30
Датум на рецензирање: 15.12.2015
Рецензент: Владимир Мирчески
НИТУ ЗБОР ЗА СТУДЕНТИТЕ „САДАЧИ“
Нотираме пристрасност лесно забележлива преку неколку употребени формулации, како „разумот надвладеа“ и „непотребна блокада“. Впечатокот е дека написот свесно дава поддршка на надлежните, за сметка на студентите и на нивните реакции за сечењето на мини-паркот во рамките на скопскиот универзитетски кампус.
Неразбирлива е желбата за епитети и за „китење“ на текстот со непотребни конструкции. Требало само да се пласира основната вест дека пред зградата на Ректоратот ситуацијата е мирна и дека студентите ја повлекле блокадата, а не да се додаваат елементи кои не само што не се плус, туку се реален минус за целото четиво.
Друго прашање е кој вели дека „разумот надвладеа“ и дека е „непотребна блокада“? Извори или соговорници што би застанале зад ваквите констатации нема. Тоа, пак, навестува дека се сопствен печат на тој што го пишувал текстот, односно некакви обиди за коментирање:
„Поставувањето на непотребната блокада на оваа институција се должи пред сè на повеќе фактори.
Инаку сечењето на дрвата беше главната причина поради која Студентскиот пленум предизвика тензија во кампусот на државниот универзитет.“
Од друга страна, овој необјективен напис не кажува дека тензијата се навести откако се појави другата група студенти (од ФИНКИ), поддржана од неколку професори, која дојде да сади дрвја во дворот на УКИМ. Па, полицијата дојде откако студентите – садачи, од нигде никаде, „изникнаа“ во кампусот, ама тоа го нема во ова селективно четиво.
Текстот изгледа како да е напишан од некоја канцеларија и дополнет со информации од други веб-страници, а не како да станува збор за вистинска теренска работа. Во него не е пренесена атмосферата од терен ниту, пак, има изјави од учесници или сведоци на настанот, при што се објавува само соопштението на дел од деканите. Гледано во целина, покажан е исклучително слаб новинарски ангажман, а резултатот е нецелосна и необјективна информација, зачинета со коментари.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
делумно
ИЗВОРИ НА ИНФОРМАЦИИ
има евидентирани извори
официјални
релевантни
1 извор
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
делумно прикажува вистина
извртување на вистина (спин)
нема лажни информации
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
не може да се одреди
ненаведен автор
КВАЛИТЕТ НА НАСЛОВОТ
делумно информира
некреативен
несензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
нечитлив
неквалитетни мултимедијални елементи
нема контекстуални линкови
стилски неуреден
неповрзан со тагови