Шпекулативна и навредлива објава
Објавено во Рецензии
on 20 - 07 - 2016 Автор: Симона Атанасова
[Тепачки, закани и кавги меѓу СДСМ и СОРОС – Ова е нивниот список за уредник на МРТВ]
Измислици, шпекулации, коментари и навреди се елементите што го сочинуват овој напис. Без ниту еден доказ и потврда од која било засегната страна, во текстот се набројуваат еден куп новинари кои, наводно, биле на список за главен уредник на јавниот радиодифузен сервис, а притоа им се лепат разни епитети за нивна дискредитација.
Линк до оригиналниот напис: Тепачки, закани и кавги меѓу СДСМ и СОРОС – Ова е нивниот список за уредник на МРТВ
Датум и време на објавување: 14.07.2016, 07:34
Датум на рецензирање: 19.07.2015
Рецензент: Симона Атанасова
А ДОКАЗИ ЗА ОБВИНУВАЊАТА?
„Она што досега е договорено е одговорниот уредник во Јавниот сервис да доаѓа по предлог на опозицијата, што според информациите до кои ние дојдовме веќе почнало да предизвикува превирање во редовите на соросоидите и опозициските полтрони, кои слично на случајот при бирањето на специјален обвинител за малку ќе се испотепаа меѓусебно“.
Текстот е „посиромашен“ за каква било потврда за напишаното. Нема никаков податок од каде е добиена информацијата до која „волшебно“ дошла редакцијата, особено до сознанието дека имало преврирања во редот на новинарите кои во објавата навредливо и без докази се нарекуваат „соросоиди и полтрони“.
Од нигде-никаде, написот неосновано тврди дека истите новинари за малку ќе се испотепале меѓусебно при бирањето специјален обвинител, а тоа не го поткрепува со факти.
Потоа во текстот се набројуваат неколку новинари, кои, според напишаното, наводно, се наоѓаат на списокот на опозцијата. За секое од имињата има низа образложенија – непоткрепени со факти, зошто и по која основа тие биле предложени од опозцијата. Но, евидентен е недостигот од изјава од која било од личностите набројани во написот кои би можеле да го потврдат или демантираат напишаното. Не е побаран ни став од опозицискиот СДСМ, дали навистина го предложила овој список со новинари за главен уредник на јавниот сервис.
НЕТОЧНА ИНФОРМАЦИЈА
Освен тоа, во текстот пишува дека еден од кандидатите за уредник на МРТВ била Катерина Блажевска, за која написот тврди дека била вработена како портпарол на Општина Центар, односно на градоначаникот Андреј Жерновски. Ова е целосно неточна информација затоа што портпарол на Жерновски е Катерина Цаневска-Арсовска, а не Катерина Блажевска.
„Како што дознаваме, откако Заев, односно Шеќеринска го доставиле списокот со предложени имиња на кандидати за Уредници на информативнот сервис во МРТВ, меѓу овие две групации, Соросоиди и СДСМ-овци се случил вистински судир, со силни навреди, расправии па дури и закани за физички пресметки“.
Без потврда од ниту еден од најбројаните новинари, написот на големо шпекулира, па дури можеби и измислува дека помеѓу двете групи имало „вистински судир, силни навреди, расправии па дури и закани за физички пресметки“.
Насловот, пак, пишуван во сензационалистички манир, намерно го става зборот „тепачки“ на прво место, измамувајќи ја јавноста дека во текстот навистина ќе прочита за некоја тепачка што реално се случила, иако таквата ситуација е далеку од вистината.
Оваа објава, која воопшто не може да се категоризира во професионални новинарски написи, прекршува низа членови од Кодексот на новинари, вклучувајќи ја и преамбулата во која се сугерира дека:
Основна задача на новинарите е да ја почитуваат вистината.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
делумно
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
нема евидентирани извори
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
извртување на вистина (спин)
лажни информации
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
неквалитетни мултимедијални елементи
нема контекстуални линкови
делумно стилски уреден
поврзан со тагови