Нецелосната вест треба да се провери
Објавено во Рецензии
on 6 - 10 - 2015 Автор: Владо Ѓорчев
[Рецензија: ПОЛИЦИЈАТА ПРОНАЈДЕ БЕЗЖИВОТНО ТЕЛО: Филип скокнал на плочник со исцртано срце!]
„Неподнослива практика на некои бескрупулозни „медиуми“ да изоставаат детали во веста, преку кои би се видело каде се случила тргедијата. Користат настани од регионот (намерно е изоставено презимето кое го има во истата вест на другите веб-страници) со конструиран наслов, како тука да се случило, за да привлечат публика“. Ова е пораката на читателот кој текстот го предложил за рецензија и кој е речиси целосно во право.
Линкуван наслов на анализираниот напис: ПОЛИЦИЈАТА ПРОНАЈДЕ БЕЗЖИВОТНО ТЕЛО: Филип скокнал на плочник со исцртано срце!
Датум и време на објавување: 30.09.2015, 04.33
Датум на рецензирање: 05.09.2015
Рецензент: Владо Ѓорчев
Прво што мора да се забележи е дека овој текст е намерно направен за читателот да мисли дека настанот се случува во Македонија. Тоа воопшто не е професионално, затоа што написите треба секогаш да бидат објективни и содржајни, што овде не е случај. Насловот треба точно да го определи местото каде што се случил настанот.
Почетокот на веста, исто така, не е коректен, односно нема одговорено на сите пет плус две прашања во новинарството. Во овој текст нема одговор на прашањето „каде“? Има локација дека рипнал од Бранков мост, ама нема каде се наоѓа овој мост. Над која река? Не секој мора да знае каде е овој мост, најмалку, пак, поради тоа што нема ни која е реката? Инаку, за помладите и за оние кои досега не слушнале, Бранков мост се наоѓа во Белград и под него поминува реката Сава. Тој е доста познат, но тоа не значи дека не треба да се лоцира неговото место.
Целиот текст е без критички осврт и е буквално преведен. Не се прочепкало повеќе околу случката. Така како што бил даден во српски „Ало“, така е и кај нас.
Една изјава завршува со „раскажува една жена во продавницата во која Филип често пазарувал“.
Ова вака оставено не дава голема верба во вистинитоста на изјавата, па ниту на целиот текст. Не може да не се лоцира местото и продавницата каде што, наводно, е земена изјавата.
Во целиот текст нема ниту податок каде живеел Филип, дали учел, каде студирал.
Спорен, исто така, е и начинот на известување за самоубиство, каде што не се запазени препораките за вакви случаи. Текстот е полн со шпекулации кои треба да се избегнуваат при вакви трагедии, особено за настани што не се од јавен интерес. На крајот на краиштата, сè е на база на шпекулација, нема ништо потврдено, а текстот, ниту преведениот, ниту српскиот, не нуди информации од МВР или од некоја служба надлежна за тоа.
Сè на сè, овде се работи за некомплетен текст. Нема потврда за случката, а нема ниту основни новинарски елементи. Кога се преведува еден текст, тој не мора буквално да биде преземен. Треба да се повнимава и на квалитетот, па ако има потреба, и критички да се осврне на него.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
не може да се утврди
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
неофицијални
нерелевантни
не може да се утврди
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
не може да се утврди
не може да се утврди
не може да се утврди
Не може да се утврди
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
целосна копија
ненаведен автор, наведен извор без линк
КВАЛИТЕТ НА НАСЛОВОТ
дезинформира
некреативен
сензационален
несоодветен
нејасен
ФОТОГРАФИЈА
има
несоодветна
манипулира
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
солидни мултимедијални елементи
има контекстуални линкови
стилски уреден
неповрзан со тагови