Упорно со приказната „добил вазна во глава“
Објавено во Рецензии
on 6 - 10 - 2015 Автор: Оливера Војновска
[Рецензија: Бившиот градоначалник на Охрид добил вазна во глава во тепачка]
Текстот што го рецензираме погрешно ја информира јавноста дека „бившиот градоначалник на Охрид добил вазна во глава во тепачка“. Дезинформирањето се прави уште со самиот наслов, а целосно идентична порака се испраќа и со поднасловот, кој е во иста форма, што изгледа некако чудно.
Инаку, според изјавата на поранешниот охридски градоначалник, Александар Петрески, тој воопшто не бил мета на напад, туку бил инволвиран во инцидент, при што го спречил напаѓачот да употреби огнено оружје во расправија со друга личност.
Линк до оригиналниот напис: Бившиот градоначалник на Охрид добил вазна во глава во тепачка
Датум и време на објавување: 03.10.2015
Датум на рецензирање: 04.10.2015
Рецензент: Оливера Војновска
ДЕЗИНФОРМАЦИЈА
Написот се потпира на неофицијални информации, кои иако не се потврдени барем од уште еден извор (како што налагаат професионалните новинарски стандарди), сепак, се пласираат како стопроцентна вистина. А, фактички се неточни.
Имено, повикувајќи се на неофицијални извори, на читателите им се соопштува дека:
„Александар Петревски бил удрен со вазна во глава. Инцидентот се случил денес околу 14 часот во канцеларии на Агенција за недвижности…
… во канцелариите избувнала тепачка помеѓу неколку лица од Охрид и Струга. Во канцеларијата биле три лица, а еден од нив е бившиот градоначалник на Охрид…
Како што дознаваме, Петрески е префрлен во болница и е хоспитализиран“
Но, Петрески ја демнатираше ваквата објава (слични написи имаше во повеќе медиуми), раскажувајќи што, всушност, се случило во споменатата канцеларија на улицата Туристичка во Охрид.
„Откако сопственикот на фирмата, кој воедно е сопственик и на угостителскиот објект за кој тој водеше разговор со друго заинтересирано лице, ги соопшти условите под кои е подготвен истиот да го продаде, потенцијалниот купувач, кој инаку претходно го поседувал па го продал тој објект, наеднаш ја крена вазната која беше на стаклената маса пред него и се обиде да ја фрли кон соговорникот, во што беше спречен од моја страна. Потоа тој се обиде да извади пиштол, но успеав да го спречам во неговите намери, во што помогна уште едно лице кое во меѓувреме влезе во канцеларијата. Беше повикана полиција, а напаѓачот се даде во бегство.“
Неговата верзија, пак, се совпаѓа со официјалната информација за инцидентот, соопштена од МВР наредниот ден, на 4 септември 2015 година. Интересно е што медиумот го објавува полициското соопштение, но и покрај тоа, на крајот од текстот ја повторува приказната дека „поранешниот градоначалник учествувал во тепачка и добил вазна по глава…“
Тоа дополнително го засилува впечатокот дека во написот постои тенденција Петрески да се претстави во негативно светло. И, веројатно, тргнувајќи од таквата идеја, намерно е пласирана неточна информација за настанот.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
делумно
делумно
ИЗВОРИ НА ИНФОРМАЦИИ
има евидентирани извори
неофицијални
не може да се утврди
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
делумно прикажува вистина
извртување на вистина (спин)
лажни информации
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
не може да се одреди
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
солидни мултимедијални елементи
нема контекстуални линкови
стилски неуреден
неповрзан со тагови