Едностран и манипулативен текст од насловот, па до последната реченица
Објавено во Рецензии
on 12 - 09 - 2015 Автор: Оливера Војновска
[Рецензија: Заев рекордер по лажни и неостварени ветувања]
Нагласено пристрасен, едностран напис кој има цел да го оцрни струмичкиот градоначалник и лидер на СДСМ. Во таков тон е обоен целиот материјал, од тенденциозниот наслов „Заев рекордер по лажни и неостварени ветувања“, па до последната реченица.
Линк до оригиналниот напис: Заев рекордер по лажни и неостварени ветувања
Датум и време на објавување: 09.09.2015, 16:38
Датум на рецензирање: 10.09.2015
Рецензент: Оливера Војновска
МАНИПУЛИРАЊЕ
Текстот се потпира на изјавата на советникот на ВМРО-ДПМНЕ во Општина Струмица, Костадин Шолев, од каде е извлечена и поентата во насловната конструкција. Но, Шолев не е претставен како член на советничката група на ВМРО-ДПМНЕ, туку само се кажува: „жител на Куклиш“.
И притоа, со еден манипулативен пристап, читателите се доведуваат во заблуда дека се работи за доминантен став на жителите на Куклиш. Па, уште на самиот почеток на написот се генерализира и се вели:
„Жителите на Куклиш бараат од градоначалникот на Струмица Зоран Заев да го исполни даденото ветување за реконструкција на опожарениот дом на култура.
Тие велат дека Заев две години им ветувал и ги лажел жителите на Куклиш.“
Исто така, во текстот не е пренесена реакцијата на Општина Струмица од каде велат дека за опожарениот дом во Куклиш во буџетот и во програмите на Општина Струмица има предвидено околу 3 милиони денари, а не шест како што се тврди во написот. А, според објаснувањето на локалната власт:
„… реконструкцијата, односно, изградбата на нов дом на културата се уште не може да почне од проста причина што во моментот се работат испитувања од стручни лица за статистиката на самиот објект, односно, дали овој објект ќе може да се реконструира, или пак, доколку стручните лица укажат на тоа, истиот да биде срушен и на негово место да биде изграден нов. Што значи во тек е утврдувањето на конечната реализација на овој објект во Куклиш.“
Но, видливо е дека во овој наменски скроен производ воопшто и не била планирана втортата страна, за да може публиката самата да се увери дали навистина се соборуваат рекорди во лажни ветувања. Или, во прашање е нешто друго – пресметан политички спин за дискредитација на опозицискиот лидер.
Инаку, комплетно истиот текст, вклучувајќи ги фотографијата и насловот, половина час претходно е објавен на друг портал од каде најверојатно е преземен. Истиот ден написи со речиси идентична содржина беа пласирани на повеќе медиуми, што, пак, остава простор за сомнеж дека е во прашање синхронизиран политички напад на Заев.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
официјални
1 извор
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
делумно прикажува вистина
извртување на вистина (спин)
не може да се утврди
не аплиактивно
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
целосна копија
ненаведен автор, ненаведен извор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
солидни мултимедијални елементи
нема контекстуални линкови
делумно стилски уреден
неповрзан со тагови