За скокотлива тема со име и презиме
Објавено во Рецензии
on 28 - 09 - 2015 Автор: Љубомир Костовски
[Реченица: Во Делчево има многу повеќе бугарски, отколку македонски пасоши]
Прашањето за бројот на Македонци со двојно државјанство никогаш не било статистички позиционирано. Особено е скокотливо сознанието дека нашите граѓани бараат најчесто бугарски пасоши, кои и ги добиваат, пред сè, по влезот на источниот сосед во Унијата пред 11 години. Деновиве имавме можност да видиме еден прилог на локална телевизија од град до границата со Бугарија, кој посочува бројка и тоа низ разговор со човек кој „средува“ нашите државјани да немаат многу административни пречки во остварување на својата желба. Новото е што пред камерите излегува и еден посредник и еден корисник на таквото посредство и отворено говорат за оваа појава. Досега, такви кажувања имало само анонимно или, пак, го немало и тоа – сè било обвиено со претпоставки.
Линк до оригиналниот напис: Во Делчево има многу повеќе бугарски, отколку македонски пасоши
Датум на објавување: 24.09.2015 17:16
Датум на рецензирање: 26.09.2015
Рецензент: Љубомир Костовски
„Во Делчево над 70% од населението има бугарски пасоши, но се зголемува и бројот на лицата со бугарски пасоши и во Пехчево и Берово, но и Виница, Кочани Штип. Сепак, најмногу бугарски пасоши се издадени на струмичани и охриѓани.
Делчевецот Делчо Гошев кој веќе 15 години посредува за вадење бугарски пасоши, вели дека интерес за бугарски пасоши од секогаш имало. ’Најмногу се земаат пасоши од економски причини, но јас имам и луѓе кој се познати политичари, директори, лекари овде работаат, но сепак сакаат друг пасош и се свесни дека да се користата правата на дрига држава е благодетна работа’, изјави Делчо Гошев.“
Ова е карактеристичен дел од тој прилог, кој може на посочениот линк да се види и во видеоформа, каде гледаме дека Источна Македонија е, просто, преплавена од „спасоносното решение“, кое значи поседување на овој идентификациски документ. Прилогот, инаку, содржи и кус преглед на содржината на еден прашалник за „бугарскиот происход“ на барателот, кој е секако можеби најважниот момент во реализацијата на идејата.
Сведокот пред камера, кој не ја крие и цената на услугата, говори дека многу важни јавни личности од Македонија го поднеле тоа барање, ама немале социјални мотиви, бидејќи егзистенцијалните прашања им се решени тука(!). Пред камерите говори и еден надничар кој со овој пасош навистина се бори за гол живот и кој кажува дека во Макеоднија не може да замисли дека може да најде работа, а дека со бугарскиот пасош во западните земји на Европа успева некако да преживее, давајќи ги и ценовниците за кои се аргатува, што е, исто така, една новина за просечниот гледач.
Освен што прилогот се базира на јасни и на репрезенативни факти, тој е доста „телевизичен“ во однос на користењето на времето (кажува многу за релативно кусо време) и непретенциозен и го одбегнува потенцијалниот сензационализам, бидејќи ако некои други телевизии дошле до вакви отворени соговорници, веројатно е дека би удриле „на големи барабани“.
Прилогот не е преземен од други куќи, иако е многу атрактивен и несекојдневен, во што, главно, треба да се гледа некаков политички контекст – ова секако не е добра слика за земјава и за актуелната власт!
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
точни наводи
веродостојни наводи
ИЗВОРИ НА ИНФОРМАЦИИ
има евидентирани извори
неофицијални
релевантни
2 извори
повеќестрани
СЕОПФАТНОСТ
Нема прецизен број на добитници на бугарски пасош од земјава
нема прикриени информации
ПРИСТРАСНОСТ
делумно прикажува вистина
не може да се утврди
Недостасуваат податоци кои не ги даваат бугарските власти
не аплиактивно
КОМЕНТИРАЊЕ
нема коментаторски елементи
издвоено од фактите
ПЛАГИЈАТ
оригинално дело
наведен автор
КВАЛИТЕТ НА НАСЛОВОТ
информира
креативен
несензационален
соодветен
јасен
ФОТОГРАФИЈА
Се работи за тв прилог
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
солидни мултимедијални елементи
нема контекстуални линкови
делумно стилски уреден
неповрзан со тагови