Цел куп имагинарни пари
Објавено во Рецензии
on 28 - 09 - 2015 Автор: Оливера Војновска
[Рецензија: 17 милијарди евра помош за Македонија и Србија]
Единствениот проблем со овој материјал е грешката во насловот „тешка“ 17 милијарди ерва! Гледачот останува просто фрапиран од износот (во евра) што се споменува во најавата на прилогот, а кој, наводно, треба да го поделат Македонија и Србија.
Сепак, нема место за возбуда, во прашање се илјада пати помалку пари!
Линк до оригиналниот напис: 17 милијарди евра помош за Македонија и Србија
Датум и време на објавување: 23.09.2015, 16:26
Датум на рецензирање: 25.09.2015
Рецензент: Оливера Војновска
НАМЕСТО МИЛИОНИ – МИЛИЈАРДИ
Имено, финансиката помош од Европската унија за Македонија и за Србија за решавање на мигрантската криза, нема врска со фантастичната сума која ѝ се соопштува на публиката при најавувањето на информацијата.
Двете земји, всушност, треба да добијат 17 милиони евра помош за справување со проблемот со бегалците.
Но, што значи во конкретниот случај превидот од три нули во насловот (бројката воопшто не се споменува во содржинскиот дел на текстот)?
Како илустрација за тоа колку пари се 17 милијарди евра може да послужи буџетот на Р.Македонија за 2015 година од 163.280.000 денари, односно околу 2,7 милијарди евра. Тоа е за 6,5 пати помалку од сумата во бомбастичната најава на прилогот што го рецензираме, каде милионите со леснотија стануваат милијарди.
Па, независно што тоа, најверојатно, е сторено од брзање при правењето на вестите, не ја намалува одговорноста на медиумот, кој фактички пласира неточна информација.
Ваквото невнимание е недозволиво, особено кога се работи за важни вести објавени на телевизија со национална концесија.
П.С. И пет дена по објавувањето на прилогот се погрешен наслов, на денот на објавувањето на оваа рецензија, грешката во насловот сè уште не е поправена.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
точни наводи
веродостојни наводи
ИЗВОРИ НА ИНФОРМАЦИИ
има евидентирани извори
официјални
релевантни
1 извор
еднострани
СЕОПФАТНОСТ
сеопфатнo
нема прикриени информации
ПРИСТРАСНОСТ
целосно прикажува вистина
нема извртување на вистина (спин)
нема лажни информации
не аплиактивно
КОМЕНТИРАЊЕ
нема коментаторски елементи
ПЛАГИЈАТ
оригинално дело
наведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
неточен
ФОТОГРАФИЈА
нема
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
солидни мултимедијални елементи
нема контекстуални линкови
делумно стилски уреден
неповрзан со тагови