Вака вести пишува пропагандист! Од којзнае која провинција!
Објавено во Рецензии
on 15 - 09 - 2015 Автор: Оливера Војновска
[Рецензија: Вака паркира дипломат! Стока од европска провинција!]
Главниот проблем со оваа куса фото-вест е насловот: „Вака паркира дипломат! Стока од европска провинција!“. Тој е исклучително навредлив, звучи невкусно и дури со отворен анимозитет кон странските дипломати.
Линк до оригиналниот напис: Вака паркира дипломат! Стока од европска провинција!
Датум и време на објавување: 14.09.2015, 14:27
Датум на рецензирање: 14.09.2015
Рецензент: Оливера Војновска
ПРИМИТИВИЗАМ
Веста има само две реченици ама е „отровна“! Од неа просто извира силна нетрпеливост кон странските претставници во земјата. Особено, од насловната конструкција, која е со таков навредлив речник што се граничи со примитивизам.
Инаку, „столбот“ на веста се две фотографии на кои е прикажано возило со дипломатски таблички, паркирано со предниот дел во тревна површина. И, токму ваквиот „грев“ е причина за гневот и за недоличните зборови упатени кон дипломатите:
„Стока од европска провинција!“
Тоа, најблаго кажано, е срамно! Не дека не можеле да се искажат забелешки во однос на паркирањето, ама тоа можело да се направи со малку повнимателно избрани зборови и без навреди.
Но, насловот не е единствениот проблем. Имено, веста само врз основа на двете фотографии заклучува дека дипломатите немаат сообраќајна култура, дека „ни продаваат морал, а се длабоко заглибани во нашата кал“!
Всушност, не се знае кој го возел и го паркирал автомобилот на тревникот. Дали возачот е странски или македонски државјанин, како што се, впрочем најчесто, возачите на дипломатските претставници во земјата.
Со оглед на тоа, начинот на кој е напишана и пласирана оваа информација ја прави некоректна, тенденциозна и злонамерна.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
нема евидентирани извори
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
не може да се утврди
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
манипулира
наведен автор(извор)
ГОВОР НА ОМРАЗА
навредлив говор
нема говор на омраза
не потикнува на насилство
дискриминира
национална дискриминација
УРЕДЕН ЗА ВЕБ
средно читлив
солидни мултимедијални елементи
нема контекстуални линкови
делумно стилски уреден
неповрзан со тагови