Јавноста не треба да биде лишена од двете страни
Објавено во Рецензии
on 15 - 09 - 2015 Автор: Adrian Kerimi
[Рецензија: БЕСА го гради мостот во Куманово кој што беше заборавен од власта]
Доколку новинарот информира за некоја иницијатива, веста не треба да заврши само со една страна. Секогаш треба да се побара и официјалниот став, бидејќи може да се добие впечаток дека се поддржува само една страна. Веста што ја рецензираме не ги претставува двете страни. Другата страна не е присутна во текстот.
„Aктивисти на Движењето Беса во Куманово почнале со работа за градење на еден мост кој што беше урнат пред 7-8 месеци од надојдената вода. Тие одлучиле доброволно да го градат овој мост, бидејќи нивните апели до локалните и централните власти за изградбата на мостот кој што поврзува еден дел од населбата „Бахче“ каде што живеат 500 жители, со другиот дел од градот биле залудни.“
Линк до оригиналниот напис: БЕСА го гради мостот во Куманово кој што беше заборавен од власта
Датум и време на објавување: 08.09.2015
Датум на рецензија: 09.09.2015
Рецензент: Aдриан Керими
Ставот на обвинетата страна секогаш треба да се наведе во текстот, особено кога се работи за дебата помеѓу политички субјекти. Во следниот параграф, авторот го навел ставот на еден претставник на Движењето „Беса“, што ја обвинува локалната власт за непреземање мерки. Многу е важен и ставот на Општина Куманово, како обвинета страна.
„Поради неизградбата на мостот, жителите на ова населба биле изолирани и за да излезат во центарот на градот трабало да ризикуваат и да поминат низ мостот кој што е скоро целосно уништен, или да направат три пати подолг пат. Пред извесно време, едно дете паднало поминувајќи го мостот и замалку го изгубило животот. Им благодариме на младинците од Движењето Беса који што ја превзедоа ова инцијатива, бидејќи да останеше до власта, таа немаше да го изгради со години, вели претставникот на Месната заедница на ова населба, Аслан Фазлиу.“
Во текстот не недостига ниту коментирање, појава што се сретнува кај непрофесионалните вести. Исто така, се спомнува едно име што е непознато за јавноста, а чиешто изјаснување новинарот го смета за непотребно.
„Интересно е дека и пред неколку години овој мост не беше изграден од властите, туку со придонес на бизнисменот Лутфи Худа, што го покажува занемарувањето од страна на властите на овој дел од градот, кој што е претежно населен со Албанци.“
Во професионалното новинарство секогаш се бара непристрасно известување. Ако институциите покажале невнимание, прашањето што би го поставил секој читател е зошто новинарот не ја прашал компетентната институција за проблемот за кој пишува? Колку и да е јасен настанот, сепак во секој новинарски текст треба да се опфатат сите страни.
Со право се поставуваат дилеми и се следи активноста на некој политички субјект, но доколку обвиненијата остануваат без одговор, тогаш имаме едностран текст, бидејќи читателот е лишен од ставовите на двете страни.
(Од Сервисот за проверка на факти во медиумите на албански јазик)
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
точни наводи
веродостојни наводи
ИЗВОРИ НА ИНФОРМАЦИИ
нема евидентирани извори
официјални
релевантни
1 извор
еднострани
СЕОПФАТНОСТ
несеопфатнo
нема прикриени информации
ПРИСТРАСНОСТ
делумно прикажува вистина
нема извртување на вистина (спин)
не може да се утврди
наклонетост
друга пристрасност
КОМЕНТИРАЊЕ
има коментаторски елементи
издвоено од фактите
ПЛАГИЈАТ
не може да се одреди
ненаведен автор
КВАЛИТЕТ НА НАСЛОВОТ
информира
креативен
несензационален
соодветен
јасен
ФОТОГРАФИЈА
има
соодветна
информира
наведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
солидни мултимедијални елементи
нема контекстуални линкови
делумно стилски уреден
неповрзан со тагови