Новинарството и приватните роденденски честитки
Објавено во Рецензии
on 19 - 09 - 2015 Автор: Владимир Мирчески
[Рецензија: СРЕЌЕН РОДЕНДЕН: На денешен ден Сашо Мијалков полни 50 години!]
Медиумско кабадахиско однесување и присвојување на информативниот простор за лично потпикување и величење на политичка фигура. Ова „ремек-дело“ од материјал нема каква било, ама баш каква било, допирна точка со новинарство.
Линк до оригиналниот напис: СРЕЌЕН РОДЕНДЕН: На денешен ден Сашо Мијалков полни 50 години!
Датум и време на објавување: 15.09.2015
Датум на рецензирање: 18.09.2015
Рецензент: Владимир Мирчески
„HAPPY BIRTHDAY MR. EX CHIEF OF SECRET POLICE“
Што да се каже за четиво кое не ги исполнува основните критериуми за информативност. Кажете каква вест е тоа дека на 15 септември бил роденденот на сега веќе поранешниот директор на УБК, Сашо Мијалков? Одговорот е никаква. Оваа т.н. „новина“ нема какво било значење за јавноста, освен за тој што ја објавил и тоа најверојатно од лични причини.
Новинарството мора да се стреми значајно да го одржува интересното и релевантното
Новинарството е раскажување на приказни со причина. Треба да биде повеќе од само собирање публика или каталогизирање на важното. Новинарството мора да балансира меѓу она што читателите знаат дека го сакаат со она што тие не можат да го антиципираат, туку им треба.
Значи, ова не е вест, ако и така може да се нарече, која по која било основа заслужува да се најде на некој информативен медиум. Прво, затоа што нема каква било тежина и второ зашто човекот веќе не извршува каква било државна функција, што, пак, би било од некаков можен интерес за граѓаните. Узурпацијата на просторот наменет за публиката е неразбирлива, од кога е тоа нормално и прифатливо интернет-портали кои се претставуваат за информативни да објавуваат честитки од типот „СРЕЌЕН РОДЕНДЕН: На денешен ден Сашо Мијалков полни 50 години!“ Да беше ова „радио-желботека“, може ќе паднеше и песна од типот „Happy birthday Mr…..“!!!
ПО КОИ КРИТЕРИУМИ СЕ МЕРИ УСПЕШНОСТА ВО УБК
Но, не се само ова проблемите. Читањето на содржината открива и други големи „фелери“, меѓу кои очи боде пристрасноста.
„Сашо Мијалков (Скопје, 15 септември 1965) — македонски политичар и поранешен директор на Управата за безбедност и контраразузнавање на Македонија, а воедно и најсупешен на својата функција, со бројни успешно завршени задачи од државотворно значење.“
Каде тоа е напишано, кој тоа го вели, кој заклучил дека овој човек е најуспешен на функцијата директор на УБК. Обично „гуглање“ вади информации за споменатата личност кои не се баш најафирмативни во однос на неговото безмалку деветгодишно менаџирање со тајната полиција. Напротив, насловите се дијаметрално спротивни од оној под кој се пласира написов, дополнет со патриотска фотографија од „извршувачот на државотворни задачи“.
А, зошто, на пример, пак, да нема честитки за Том Харди, принцот Хари, Томи Ли Џонс, па и тие се родени на 15 септември? Изгледа зашто, сепак, не се на нивото на еден Сашо Мијалков?!
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има, ама не се релевантни
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
нема евидентирани извори
анонимни
нерелевантни
не може да се утврди
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
делумно прикажува вистина
не може да се утврди
не може да се утврди
наклонетост
политичка пристрасност
КОМЕНТИРАЊЕ
нема коментаторски елементи
ПЛАГИЈАТ
не може да се одреди
ненаведен автор
КВАЛИТЕТ НА НАСЛОВОТ
„информира“ нудејќи небитна вест
некреативен
потпикувачки
јасен
ФОТОГРАФИЈА
има
несоодветна
„патриотска“
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
солидни мултимедијални елементи
нема контекстуални линкови
делумно стилски уреден
неповрзан со тагови