Дијаспората како средство за дисквалификација на политички лидер
Објавено во Рецензии
on 10 - 10 - 2015 Автор: Александар Писарев
[Рецензија: СДСМ им врти грб на македонските иселеници поради очајната поддршка од народот]
Машинеријата е покрената, нарачани текстови почнуват да ги преплавуваат медиумите. Во овој миг е актуелна дијаспората. Текстот што го рецензираме е прилагоден на потребите и на желбите на владеjачката партија за да се изврши притисок со кој моќните поединци, поврзани со разни интересни групи, сакаат да влијаат на донесување релевантни политички одлуки.
Линк до оригиналниот напис: СДСМ им врти грб на македонските иселеници поради очајната поддршка од народот
Датум и време на објавување: 04.10.2015 16:01
Датум на рецензирање: 09.10.2015
Рецензент: Александар Писарев
СПИНУВАЊЕ – РАДУВАЊЕ
Содржината е класично спинување за да се изманипулира јавноста, да се најави нешто што власта го посакува и да се остварат политичките амбиции на владеjачката партија кои се загрозени со новата политичка клима во која се најде државата. Истовремено, лажно повикувајќи се на дијаспората, се дискредитира политичкиот противник и лидерот на опозицијата, Зоран Заев. Притоа, му се импутира нешто што тој воопшто не го кажал, се извртуваат неговите зборови поврзани со гласањето на дијаспората и им се дава сосема друга конотација.
„СДСМ се откажува од дијаспората и бара тие да останат без своите претставници во Законодавниот дом, како и без право на глас.“
Ова не е точно, Заев не е против гласањето на дијаспората. „Социјалдемократскиот сојуз на Македонија (СДСМ) смета дека гласањето на дијаспората треба да се задржи, но со одредени измени, во согласност со укажувањата на меѓународните организации и извештаи“, изјави Заев.
ЛАЖЕН ПЛЕБИСЦИТ
Има уште едно клучно прашање што отвора дилема дали содржината на непотпишаниот текст е вистинита или се работи за манипулација и за спин. Ако анализираме дел по дел од текстот, ќе дојдеме до заклучкот дека содржината не е вистинита.
Медиумот го дисквалификува политичкиот противник, повикувајќи се на „целата дијаспора“ и го тврди следното:
„Сите македонски здруженија од дијаспората излегоа со осуда на ваквиот предлог на СДСМ. Македонските иселеници и порачаа на македонската опозиција дека нема да дозволат да им се одзеде правото да гласаат бидејќи тие се нераскинлив дел од македонското ткиво.“
Во текстот со ниеден факт не е потврдено дека баш целата македонска дијаспора реагирала така како што е објавено. Според податоците на Агенција за иселеништво на Република Македонија, нашата дијаспора е организирана во 143 иселенички организации и друштва на четири континента и во соседството, во кои членуваат 250.000 граѓани на Македонија кои се во дијаспората.
Шесте „реакции и соопштенија“ од дијаспората на кои се повикува медиумот, од кои како потврда на веродостојност нема ни еден факсимил, а има само една изјава со име и со презиме, не се доволен извор да се тврди дека плебисцитарно „сите македонски здруженија од дијаспората излегоа со осуда на ваквиот предлог на СДСМ.“
КОМЕНТАР БЕЗ ФАКТИ
Тврдењето дека: „тоа е резултат на слабата поддршка која партијата на чие чело е Зоран Заев ја има во Македонија. Дополнително, недовербата која граѓаните ја имаат во СДСМ станува повидлива ако се земе предвид и дијаспората“, е неоснован коментар на авторот, кој не се базира на никакво истражување на јавното мислење дома или во дијаспората и не може никако да се протолкува освен како намерно дискредитирање на лидерот на опозицијата и отворена пристрасност кон владеjачката партија, со злоупотреба на медиумот во политички цели.
Со тоа се прекршени и основните принципи на однесување што произлегуваат од Кодексот на новинарите на Македонија, како и членовите 1 и 14 на Кодексот, кои повикуваат на објавување точни и проверени информации и барат од новинарот професионална дистанца од политички субјекти и непристрасно и избалансирано известување од политички процеси.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
неофицијални
нерелевантни
повеќе извори
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
не може да се утврди
извртување на вистина (спин)
лажни информации
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
несоодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
неквалитетни мултимедијални елементи
нема контекстуални линкови
делумно стилски уреден
неповрзан со тагови