Пристигна најступидниот наслов за оваа година
Објавено во Рецензии
on 2 - 05 - 2015 Автор: Оливера Војновска
[Рецензија: Пристигнаа најлошите вести за оваа недела]
Проблемот со оваа куса информација е насловот: „Пристигнаа најлошите вести за оваа недела“. Tој е целосно промашен. Од драматиката во насловната конструкција во содржината на текстот нема ниту трага. Всушност, во прашање е само најобична информација за временска прогноза.
Линк до оригиналниот напис: Пристигнаа најлошите вести за оваа недела
Датум и време на објавување: 27.04.2015, 10:50
Датум на рецензирање: 28.04.2015
Рецензент: Оливера Војновска
СТУПИДЕН НАСЛОВ!
Насловот, на прв поглед, прозвучува дека се случило нешто страшно! Асоцира на тоа дека имало некаква несреќа, не дај Боже, трагедија или природна катастрофа со човечки жртви. Дека, можеби, пристигнале лоши вести на политички или економски план.
Нема ништо од сето ова. Станува збор за техничка вест, која информира какво време нѐ очекува во наредните три дена (од 27 до 29 април 2015 година). И, нема ни најави за страшно невреме, туку една сосема воообичаена прогноза за пролетен период.
Се предвидува дека ќе има „променливо и нестабилно време со повремен локален дожд“, со деневни темератури кои ќе достигнат 26 Целзиусови степени. Тоа значи, воопшто нема место за ширење паника како што тоа го прави насловот, кој непотребно ја алармира и дезинформира јавноста дека стасале „најлошите вести“.
Исто така, во написот не е посочен изворот на информациите, па не е јасно од каде се добиени податоците што се користат. Но, според начинот на кој е пласирана веста, таа изгледа како да е преземена од државната информативна агенција – МИА, каде истиот материјал е објавен претходниот ден во попладневните часови (26 април 2015 година во 17:38).
Материјалот што го рецензираме ја има истата форма, само е озаглавен со ступиден наслов! Веројатно идејата била да се привлече внимание и читаност, меѓутоа е направен сосема погрешен избор на насловната конструкција.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
точни наводи
веродостојни наводи
ИЗВОРИ НА ИНФОРМАЦИИ
нема евидентирани извори
СЕОПФАТНОСТ
сеопфатнo
нема прикриени информации
ПРИСТРАСНОСТ
делумно прикажува вистина
извртување на вистина (спин)
нема лажни информации
КОМЕНТИРАЊЕ
нема коментаторски елементи
ПЛАГИЈАТ
целосна копија
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
солидни мултимедијални елементи
нема контекстуални линкови
делумно стилски уреден
неповрзан со тагови