Рецензија: ДУИ и прави конкуренција на Алсат М. Приштинската тв 21 влегува со нивни амин!?
Објавено во Рецензии
on 4 - 05 - 2015 Автор: Владо Ѓорчев
Ова е текст кој има анонимни извори, што и не мора да е проблем, затоа што од поодамна е познато дека „ТВ 21“ доаѓа во Македонија. Тоа што во написот е новинарски неоправдано е што и текстот е анонимен, односно не е потпишан од автор.
Линк до оригиналниот напис: ДУИ и прави конкуренција на Алсат М. Приштинската тв 21 влегува со нивни амин!?
Датум и време на објавување: 23.04.2015, 17:35
Датум на рецензирање: 29.04.2015
Рецензент: Владо Ѓорчев
ДЕЛУМНО ТОЧНО
Што се однесува до содржината на текстот, веста дека „ТВ 21“ од Приштина ќе зрачи во Македонија е вистинита.
„Зад одлуката Приштинската ТВ 21 да добие национална концесија за да може да емитува програма на целата територија на Македонија, ТВ 21 ја издејствувала со идеа и помош од ДУИ. Во ова им помогнале и коалициските вмровци.“
Но, погрешно е тврдењето дека телевизијата добила национална концесија. Вистината е дека оваа телевизија ќе биде кабелска, а тоа се потврдува и со записникот од седницата на Агенцијата за аудио и аудиовизуелни медиумски услуги, одржана на 30 март 2015 година. Како петта на дневен ред е ставена точката: предлог-одлука за доделување дозвола на „Company 21“ ДОО од Приштина, Косово, за телевизиско емитување на програмски сервис преку ЈЕКМ што не користи ограничен ресурс, на државно ниво.
Ова покажува дека телевизијата ќе биде кабелска, а записникот од седницата е ставен на веб-страницата на Агенцијата. Во заклучокот се вели:
„Советот на Агенцијата го усвои Предлогот на Директорот на Агенцијата, д-р Зоран Трајчевски, бр.08-676 од 26.03.2015 година и едногласно донесе Одлука за доделување дозвола за телевизиско емитување на програмски сервис со претежно забавен општ формат, на државно ниво, на правното лице Друштво со ограничена одговорност “Company 21” ДОО, Република Косово, Приштина, Палата на медиумите – Анекс, со текст како што беше предложена.“
Ова покажува дека паѓа во вода тезата со која се тврди оти одлуката ја изгласале луѓе блиски на ДУИ и на ВМРО-ДПМНЕ, затоа што таа била донесена едногласно.
Според Законот за Агенцијата за аудио и аудиовизуелни медиумски услуги, за дозвола за кабелска телевизија не се распишува конкурс, туку таа се добива со изгласување во Агенцијата.
Тоа се потврдува со член 69, став 3:
„За програмскиот сервис на радио или телевизија што се емитува преку јавна електронска комуникациска мрежа што не користи ограничен ресурс или преку сателит Агенцијата без јавен конкурс доделува дозвола за телевизиско или радио емитување.“
Оваа вест не е целосно точна. А, наводите можеле да се проверат и да се напише објективно, како што налага професионалното новинарство. Во веста, инаку, се спомнуваат имиња на новинари како можни уредници, но ниеден не е контактиран. Така овој напис губи и од содржајноста и од објективноста. Можеле да се контактираат и луѓе од Агенцијата кои би ја објасниле целата работа, но и тоа не е сторено.
Затоа тука имаме недовршена вест кој можела да излезе и комплетно точна само со неколку телефонски разговори со изворите.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
анонимни
не може да се утврди
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
делумно прикажува вистина
извртување на вистина (спин)
лажни информации
Не може да се утврди
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор, ненаведен извор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
нема
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
не е апликативно
нема контекстуални линкови
делумно стилски уреден
неповрзан со тагови