„Разобличување“ без докази
Објавено во Рецензии
on 16 - 02 - 2016 Автор: Силвана Жежова[Латас: За времето на Груевски кланот Заеви свртел 205 милиони евра (ФОТО)]
На „текстот“ што е предмет на оваа рецензија, врамен со шпекулативен наслов, му недостига текст. Објавата има само една реченица и е илустрирана со повеќе принтскринови од телопот во вестите на една телевизија со национална концесија. Во овој дневник (10 февруари 2016 година), инаку, гостуваше лидерот на опозицијата, а разговорот го водеше главниот и одговорен уредник на телевизијата.
Линк до оригиналниот наслов: Латас: За времето на Груевски кланот Заеви свртел 205 милиони евра (ФОТО)
Датум и време на објавување: 10.02.2016
Датум на рецензија: 15.02.2016
Рецензент: Силвана Жежова
НАМЕНСКА КОНСТРУКЦИЈА
Единствената реченица во написот е:
„Латас комплетно го разобличи бизнисот на кланот Заеви.“
И толку. На читателите не ми се дава појаснување како се случило тоа „разобличување“. Прикажани се единствено неколку замрзнати кадри од споменатото интервју, на кои се наведени милионски суми заработка на семејството Заеви. Но, недостигаат факти што ќе ја потврдат вистинитоста на посочените бројки, а не се кажува ниту од каде се тие добиени за читателите самите да проценат дали може да им веруваат.
Исто така, иако податоците се извадени од гостувањето на Заев во дневникот на телевизијата, сепак, не се прикажани и неговите одговори. Тој, пак, во разговорот ја негира бројката од 205 милиони евра и вели:
„Ова не е точно и ова е лага. Зоран Заев има 120 илјади евра вкупен имот без имотот на татко ми.“ (14.09 од видеозаписот)
Во објавата недостига и изјавата на Заев за фирмите што се прикажани на принтскриновите во која се вели:
„Вие набројавте половина фирми од Македонија кои што се бизнис партнери.“ (16.55 од видеозаписот)
Очигледно е дека овие моменти од интервјуто се намерно премолчени бидејќи не се вклопувале во концептот на ваквата наменска конструкција, направена со единствена идеја да го извалка угледот на лидерот на опозицвијата. Мотивите, пак, за ваквата постапка немаат допирни точки со новинарството, видливо е дека станува збор за политичка инспирација.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
неофицијални
нерелевантни
1 извор
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
не може да се утврди
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
издвоено од фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
манипулира
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
политичка дискриминација,
УРЕДЕН ЗА ВЕБ
читлив
солидни мултимедијални елементи
нема контекстуални линкови
делумно стилски уреден
неповрзан со тагови