Просто навредливо
Објавено во Рецензии
on 1 - 07 - 2015 Автор: Александар Пешев
[Рецензија: Боукица на шопинг во Париз]
„Боукица“ е Боркица, а тоа дали некои луѓе се овци или не, оставете да пресуди јавноста. Функцијата на медиумот е да информира, а не да навредува, особено не со употреба на непотврдени информации и со крајна цел за лична одмазда кон ваши критичари.
Линк до оригиналниот напис: Боукица на шопинг во Париз
Датум на објавување: 26.06.2015, 17:35
Датум на рецензирање: 29.06.2015
Рецензент: Александар Пешев
Пред нас имаме информација облеана со навреди и со лична дискредитација. Не е дефинирано дали станува збор за вест или коментар, но, во секој случај, упатени се навреди кон премиерот и кон неговата сопруга, повикувајќи се на неименувани извори.
Од самиот вовед, авторката на текстот со навредливи зборови се обраќа кон група луѓе.
„Вие во ”КАМПОТ НА ОДБРАНАТА ” лижете сладолетчиња но не заборајавајте дека сте стрижени овци и внимателно читајте го ова.“
Веќе е јасно дека имаме еднострана објава со политичка пристрасност илустрирана со навреди. Се сомневам дека ќе се задржи вниманието на групата што е прозвана ако се нарекуваат овци, но нејсе. По првата реченица, јасно се покажува дека целта на објавата e возвраќање на навреда со навреди.
„Мене со месеци лажно ме објавувавте со една слика каде бев сликана пред ЛУЈ ВИТОН, според вас имав купено ташна и бев наќитена ко елка.“
Навреда, клевета, повреда на углед – сето тоа може да се однесе пред суд, но наместо тоа нашата авторка одлучила да возврати користејќи го јавниот простор. Во согласност со професионалните стандарди, медиумот не смее да се користи за напад на индивидуалци или групи, особено не поради личен интерес на авторот.
Главната поента на оваа објава, очигледно, е ставање на тапет на премиерот и на неговата сопруга со употреба на погрдни зборови. Сето тоа спакувано околу информација која наликува на чаршиски муабет, далеку од веродостоен:
„Во Градот на светлината е се светло па така и светна новчаникот на Премиерот кој според наши сознанија одвоил од својот скромен новчаник над 100.000 евра за да ги задоволи потребите на својата сопруга.“
Текстот продолжува со шпекулации, за на крај да затвори со коментар дека премиерот, прозван со навредлив прекар, дотеран ќе се појавел на преговорите.
Не е јасно како оваа информација е од јавен интерес. Се создава впечаток дека имаме текст базиран на чаршиски муабет, полн со навреди, чија крајна цел е да се истакнат лични чувства на авторот. Судејќи по напишаното, испаѓа дека јавниот простор е искористен за да се направи „вратка“ на претходни наводни навреди, со што конечниот производ не е во интерес на пошироката популација.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
нема факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
нема евидентирани извори
СЕОПФАТНОСТ
несеопфатнo
нема прикриени информации
ПРИСТРАСНОСТ
не може да се утврди
не може да се утврди
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
наведен автор
КВАЛИТЕТ НА НАСЛОВОТ
некреативен
сензационален
соодветен
тенденциозен
ФОТОГРАФИЈА
има
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
солидни мултимедијални елементи
нема контекстуални линкови
делумно стилски уреден
неповрзан со тагови