По секоја цена да се оцрни владиката
Објавено во Рецензии
on 9 - 11 - 2016 Автор: Александар Пешев
[Рецензија: Пимен- веселиот владика со идна кариера на „Пинк ѕвезди“]
Имаме јасен обид за лична дискредитација преку слободно толкување на статус на социјалната мрежа „Фејсбук“. Самата оправданост на ваков текст се става под знак прашалник кога ќе се постави прашањето околу нејзината релевантност и задоволувањето на јавниот интерес.
Линк до оригиналниот напис: Пимен- веселиот владика со идна кариера на „Пинк ѕвезди“
Датум и време на објавување: 7.11.2016, 15:53
Датум на рецензирање: 08.11.2016
Рецензент: Александар Пешев
СПИНЕРСКА КОНСТРУКЦИЈА
Насловот е тенденциозен и на читателите им навестува содржина за оцрнување на владиката Пимен, што, впрочем, се прави уште во самиот вовед на текстот во кој се спинува вистината:
„Владиката чии настапи со години повеќе наликуваат на политички отколку на онакви какви што доликува на човек со ваква функција, сега очигледно си посакува и јавна кариера во друга насока“.
За еден коректен новинарски производ, ништо не е вредно и очигледно освен фактите. Дополнително, се поставува прашањето кој утврдил на што наликуваат настапите на владиката и по кој критериум е донесен заклучокот дека неговите настапи не доликуваат на функцијата?
Според тоа што може да се види во написот, заклучокот се базира единствено на коментар на фејсбук-статус на владиката Пимен, напишан од некој негов ФБ-пријател:
„Она чувство кога веселиот владика се буди, чита вести и станува уште повесел кога си помислува дека некој го спомнал пред толку многу жени. Почнува да танцува низ собата… ла ла ла ла лаа. А и Пинк ѕвезди се опција, му напиша пријателот на Пимен“.
Настрана тоа што нечија преписка на социјалните мрежи нема значење за пошироката јавност, „Фејсбук“ не може да се употребува како веродостоен и единствен извор на информација во професионален новинарски текст. Во написот нема изјава од владиката ниту, пак, има информација дека е направен обид да се добие став од него.
Но, видливо е дека идејата не била да се направи коректна медиумска содржина, туку наменска спинерска конструкција. Па, токму за таа цел се „копа“ по ФБ-профилот на владиката Пимен и се наоѓа соодветен „штоф“ што добро ќе легне на квалификацијата „залутан владика“, што за него ја искажа лидерот на владејачката партија во настапот пред Унијата на жени на ВМРО-ДПМНЕ.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
делумно
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
неофицијални
нерелевантни
1 извор
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
дезинформира
некреативен
сензационален
соодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
нема мултимедијални елементи
нема контекстуални линкови
делумно стилски уреден
поврзан со тагови