Наместо информации за граѓаните, партиска пропаганда
Објавено во Рецензии
on 8 - 11 - 2016 Автор: Adrian Kerimi
Напис: Патот во Диво Насеље се привршува и е стандардизиран (ФОТО)
Еден сериозен проект почнат од Општина Куманово во Диво Насеље привршува со успех и тоа благодарение на советниците на ДУИ, на чело со Ридван Асани, известува „Илирија њуз“ (Ilirianews.mk).
Патот сега веќе е завршен и изгледа доста стандардизиран, со што се олеснува движењето на жителите на Диво Насеље. Поставена е канализација според сите потребни стандарди за еден модерен пат, сега веќе може да се видат финалните резултати и веќе е дел од завршените проекти за кои Демократската унија за интеграција и нејзините општински советници се бореле да ги остварат во Куманово.
„Илирија њуз“ ви носи повеќе детали за овој проект:
[Рецензија: Патот во Диво Насеље се привршува и е стандардизиран (ФОТО)]
Можеби и може да се смета за легитимно уредничката политика да биде на страната на една политичка опција, но ова не значи дека информативните содржини треба да бидат пропаганда за таа опција или, пак, дека содржината смее да ја премине секоја граница и во неа да се изразува обожување за политичката опција. Политичките субјекти, бизнисите или разните центри на политичката и на економската моќ, постојано се обидуваат да доминираат по медиумите, па дури и кај тие медиуми кои не се професионални, за да ги прошират нивните активности. Но, ова не значи дека правилата и етиката дозволуваат еден ваков вид пропаганда.
Веста што ја рецензираме има неколку непрофесионални елементи, почнувајќи од насловот, структурата, мултимедијалниот елемент, па сè до начинот на кој е структуирана содржината во целина.
Како што забележуваме уште на самиот почеток на текстот, веста не почнува со тоа што е најважно за граѓаните, туку со примарни елементи на пропагандата. Веста не се фокусира на асфалтирањето на улицата во оваа населба, туку во фокус е ставена работата на советниците на ДУИ во Куманово. Ова е една класична и директна пропаганда.
„Еден сериозен проект почнат од Општина Куманово во Диво Насеље привршува со успех и тоа благодарение на советниците на ДУИ, на чело со Ридван Асани, известува „Илирија њуз“ (Ilirianews.mk).“
Линк до оригиналниот напис: „Патот во Диво Насеље се привршува и е стандардизиран (ФОТО)”
Датум и време на објавување: 04.11.2016
Датум на рецензирање: 05.11.2016
Рецензент: Адриан Керими
Иако преку фотографиите читателот може да ја оцени (виртуално) работата, во текстот новинарот дава оценки за инфраструктурните прашања и заклучоци кои, всушност, треба да ги дадат жителите или, пак, познавачите на ова поле. Кога сме кај жителите, тоа што го рековме претходно за пропагандистичкиот пристап, уште повеќе го потврдува фактот што во текстот не е опфатен ниту еден став од жителите на оваа населба.
„Патот сега веќе е завршен и изгледа доста стандардизиран, со што се олеснува движењето на жителите на Диво Насеље. Поставена е канализација според сите потребни стандарди за еден модерен пат, сега веќе може да се видат финалните резултати и веќе е дел од завршените проекти за кои Демократската унија за интеграција и нејзините општински советници се бореле да ги остварат во Куманово“.
Видеозаписот што го придружува текстот не дава ниеден детаљ од извршените работи, туку е само еден разговор меѓу советниците на ДУИ и неколку жители на населбата, кој не пренесува ниту една информација за остварената работа. Тоа е уште еден пропагандистички елемент.
Со сите овие елементи што ги нема, како и со сите други елементи што доминираат, овој текст не може да се нарече вест. Овој факт се потврдува и со недостигот од бројни информации во содржината на веста, нестандардниот редослед, како и со немањето заднина, која во овој случај би го загрозила пропагандистичкиот пристап.
По сè изгледа тоа е свесно сторено, бидејќи со заднина, во веста требаше да се каже дека при вооружениот конфликт во Диво Насеље, кој се случи минатата година, имаше повеќе жртви, дека за оркестрација на тоа сценарио во дел од јавноста беа осомничени политичките субјекти на власт (и политичкиот субјект на Албанците кој се спомнува во текстот), дека посетата на претставниците од овој субјект по настанот ги вознемири жителите кои ги избркаа од местото на настанот, и пред сè, дека асфалтирањето на улицата се прави 17 месеци по вооружениот судир кој се случи во оваа населба на 9 мај 2015 година.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
делумно
ИЗВОРИ НА ИНФОРМАЦИИ
нема евидентирани извори
не може да се утврди
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
не
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
не може да се одреди
ненаведен автор
КВАЛИТЕТ НА НАСЛОВОТ
не информира
некреативен
несоодветен
нејасен
ФОТОГРАФИЈА
има
несоодветна
манипулира
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
неквалитетни мултимедијални елементи
нема контекстуални линкови
стилски неуреден
неповрзан со тагови