Плажи, вагинални инфекции и чист сензационализам
Објавено во Рецензии
on 3 - 08 - 2016 Автор: Симона Атанасова[Рецензија: Девојки од Скопје се здобија со вагинални инфекции од плажа во Будва]
Штур текст без да даде одговор на најважните прашања што се потребни за еден квалитетен новинарски напис. Материјалот е толку празен и сензационалистички што изгледа како целосна измислица. Во него се користи фразата „се верува дека“, што значи дека информацијата не е целосно проверена и точна, но и покрај тоа уште со самиот наслов на јавноста ѝ се испраќа сигнал дека ова навистина се случило.
Линк до оригиналниот напис: Девојки од Скопје се здобија со вагинални инфекции од плажа во Будва
Датум и време на објавување: 29.07.2016, 12:29
Датум на рецензирање: 02.08.2016
Рецензент: Симона Атанасова
НИТУ ИЗВОРИ, НИТУ ДОКАЗИ
„Друштво 4 млади девојки од Скопје на возраст од 21-26 години сите со иста сериозна вагинална бактериска инфекција се вратија порано од своето летување во Будва. После 4 дена одмор во Будва од кои 2 дена биле на иста плажа и на која се верува дека се здобиле со инфекција според наодите и испитувањата, тргнаа назад за Скопје на лекување. Апел до младите кои ќе одат на летување да внимаваат каде одат и внимателно да ги избираат локациите, плажите и ноќните клубови“.
Во написот нема информација на која плажа се случило ова, нема информација кои се девојките кои добиле ваква инфекција, а нема ниту сведоштво од нив за да потврдат дека ова навистина се случило и да ја раскажат приказната. Недостига и потврда од медицинска установа или лекари дека навистина имало четири девојки кои добиле инфекција. Иако во текстот се вели „според наодите и испитувањата“, нема ниту трага ниту глас од наводните испитувања и наоди.
Текстот тврди дека девојките добиле инфекции на некоја плажа, но невозможно е да се каже со сигурност без дополнителни анализи и без потврда од релевантни институции дека некоја плажа навистина е извор на зараза.
Написот нема наведено ниту еден прецизен извор, ниту една потврда и доказ, но затоа е полн со сензационализам и претставува само мамка за кликнувања. Со ваквиот начин на пишување и на пласирање на информациите се прекршени членовите 1, 4 и 8, од Кодексот на новинарите :
Новинарот треба да објавува точни, проверени информации и нема да прикрива суштински податоци и да фалсификува документи.
Доколку информацијата не може да се потврди или станува збор за претпоставка, односно шпекулација, тоа треба да се каже и да се објави.
Точноста на информацијата треба да се провери колку што е тоа можно (член 1);
Новинарот ќе го назначи изворот на информациите, но ако изворот бара да остане анонимен, новинарот ќе го заштити (член 4);
Начинот на информирање во случаи на несреќи, елементарни непогоди, војни, семејни трагедии, болести, судски постапки мора да биде ослободен од сензационализми (член 8).
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
нема евидентирани извори
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
не може да се утврди
Не може да се утврди
комерцијална пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
не може да се одреди
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
манипулира
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
солидни мултимедијални елементи
нема контекстуални линкови
стилски неуреден
неповрзан со тагови