Партиско соопштение пласирано како новинарски текст
Објавено во Рецензии
on 26 - 05 - 2016 Автор: Владимир Мирчески[Рецензија: ГРУЕВСКИ ГО ЗАКОПА ШИЛЕГОВ И СДСМ: Единствениот приход кој го имам е од платата, нема никакви сомнителни трансакции!]
Кодексот на новинарите е дециден и налага:
Новинарот мора да обезбеди професионална дистанца од политичките субјекти (член 14)
Во текстот што го рецензираме не е направена токму таква дистанца. Написот интегрално пренесува соопштение од владејачката партија, без никаква новинарска диоптрија.
Линк до оригиналниот напис: ГРУЕВСКИ ГО ЗАКОПА ШИЛЕГОВ И СДСМ: Единствениот приход кој го имам е од платата, нема никакви сомнителни трансакции!
Датум и време на објавување: 22.05.2016
Датум на рецензирање: 24.05.2016
Рецензент: Владимир Мирчески
ЧЕТИВО ЗА ШИРОКА ПАРТИСКА УПОТРЕБА
Написот, всушност, е целосно ископирано партиско соопштение. Во него нема ниту ангажираност, ниту истражување, ниту новинарско изразување. Ако на таквиот, еве, да го наречеме, стил на работа, се додаде и пристрасност, тогаш добиваме четиво за „широка“ партиска употреба.
Значи, целосно е пренесена реакцијата на лидерот на ВМРО-ДПМНЕ за прозивките од опозицијата, за тоа како успеал тој да заштеди илјадници евра, а дополнително е „залепен“ обоен наслов: „ГРУЕВСКИ ГО ЗАКОПА ШИЛЕГОВ И СДСМ: Единствениот приход кој го имам е од платата, нема никакви сомнителни трансакции!“
Пристрасност? Да! Демек, соопштението на Груевски е толку силно што се завртиле главите и на СДСМ и на Шилегов.
Друг проблем е што текстот, поради наклонетоста кон едната, не ги соопштува откритијата на другата страна за рапидно зголемување на банкарското салдо на експремиерот во изминатите години. Наместо тоа, имаме во целост објавување на објаснувањето на Груевски, кое, инаку, не дава суштински јасен одговор на прашањата од СДСМ.
Материјалот ем е пристрасен, ем е содржински „гол“ и нецелосен, зашто не ја раскажува случката во целост. Повеќе наликува на говор соодветен за партиски собир, отколку на четиво што треба да информира.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
точни наводи
веродостојни наводи
ИЗВОРИ НА ИНФОРМАЦИИ
има евидентирани извори
официјални
релевантни
1 извор
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
делумно прикажува вистина
извртување на вистина (спин)
нема лажни информации
наклонетост
политичка пристрасност
КОМЕНТИРАЊЕ
нема коментаторски елементи
ПЛАГИЈАТ
целосна копија на партиско соопштение
наведен извор без линк
КВАЛИТЕТ НА НАСЛОВОТ
дезинформира
некреативен
несензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
нема мултимедијални елементи
нема контекстуални линкови
делумно стилски уреден
неповрзан со тагови