Денот на сесловенските просветители секогаш се прославувал
Објавено во Рецензии
on 26 - 05 - 2016 Автор: Љубомир Костовски
[Рецензија: Тито не дозволил денот на Св.Кирил и Методиј да биде државен празник]
Текстот за прославата на Денот на сесловенските просветители преку едно архивски заведено писмо на Димитар Влахов, потпретседател на Прездиумот на Сојузното собрание на ФНРЈ, секако е интересен „подарок“ за читателот. Писмото и околностите во кои тоа е пишувано е обработено фељтонски, има многу факти и тие се предадени „питко“. Проблемот со овој напис, сепак, потои и тој се гледа уште во насловот, кој се врзува за нечија недадена дозвола, иако оние кои се во зрели години секако се сеќаваат дека на тој ден не одеа на училиште или одеа на приредбите организирани по тој повод.
Линк до оригиналниот напис: Тито не дозволил денот на Св.Кирил и Методиј да биде државен празник
Датум и време на објавување: 22.05. 18:59
Датум на рецензирање: 25.05.2016
Рецензент: Љубомир Костовски
„ТИТО НЕ БИЛ ЗАИНТЕРЕСИРАН“
„На 7 мај 1948 година, македонскиот револуционер, општественик и државник, Димитар Влахов, официјално, писмено побарал од Тито да се востанови нов државен празник посветен на солунските браќа свети Kирил и Методиј, а на чествувањето да му се даде карактер на празник на словенската култура, словенската солидарност, словенското единство. Писмото е регистрирано во Архивот на Тито, но одговор до Влахов … никогаш не стигнал, односно Тито очигледно не бил заинтересиран за таков третман на сесловенските просветители и учители.“
Можеби Јосип Броз и не бил заинтересиран за ова прашање, но факт е дека во минатото ниту едно училиште (основно, средно), како и факултетите на тој ден немаа настава. Имаше пригодни програми, а просветните работници, главно, го користеа тој ден за изведување семинари, за синдикална активност (обично во Охрид), ама Денот на сесловенските просветители имаше свое место во календарот на празнувања со децении пред да стане државен празник и неработен ден. Дали имало дозвола од Тито или не, не знаеме, ама дека тој си имал свое место на „празничниот каледнар“ и бил свечено одбележуван, тоа секако знаеме и паметиме (барем оние повозразните).
Јасно е дека едно е да се говори за празник како неработен ден за сите, а друго е ако се работи за ден кој има своја програмска содржина – независно што за тие што се актери во истите обележувања, како и за публиката, денот е одново – неработен. Но, сепак, меѓу двете форми на празнување нема така големи разлики, а тоа сериозно го „отапува“ насловот, кој сугерира дека постоел некаков, најверојатно идеолошки отпор кон овој ден. Впрочем, идеолошките дитинкции би се јавиле кон содржините на програмите во просветата, а не кон простото седење дома.
Да не заборавиме дека за време на животот на маршалот, барем имаше и многу посодржајни одбележувања на денот отколку што е случај сега!
Оттаму, тектот е недоволно содржаен, без доволно објаснување на контрадикторностите кои излегуваат од сугерираниот заклучок, но затоа на еден начин се јавува обид за еднострано третирање на историска тема, дури и надвор од нејзината конкретна вредност.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
делумно
делумно
ИЗВОРИ НА ИНФОРМАЦИИ
има евидентирани извори
официјални
релевантни
1 извор
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
делумно прикажува вистина
извртување на вистина (спин)
нема лажни информации
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
наведен автор
КВАЛИТЕТ НА НАСЛОВОТ
дезинформира
креативен
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
нема мултимедијални елементи
нема контекстуални линкови
стилски уреден
неповрзан со тагови