Оптимизам од рано наутро!
Објавено во Рецензии
on 17 - 01 - 2016 Автор: Љубомир Костовски
[Рецензија: Денот во Пржино почна со оптимизам – сите, освен Заев се за избори на 24 април]
Прилогот што е предмет на оваа рецензија ја поставува демаркационата линија – ако изборите бидат на 24 април, тогаш има основа за оптимизам кај Македонците! Но, што ако не бидат? Дали, тогаш тоа е повод за поинакви чувства?!
Тука целосно се пренебрегнува фактот дека среќа за еден народ можат да бидат фер, чесни и добро подготвени избори. А, ако тоа не се, тие можат да бидат основа за разни форми на несреќа за истиот тој народ!
Линк до оригиналниот напис: Денот во Пржино почна со оптимизам – сите, освен Заев се за избори на 24 април
Датум и време на објавување: 15.01.2016, 18:06
Датум на рецензирање: 16.01.2016
Рецензент: Љубомир Костовски
„АНАЛИТИКА“ ОД ПРВИОТ ЧАС ПО МАТЕМАТИКА
Прилогот најпрвин спинува со тоа што одбројува кои од тие што влегуваат во резиденцијата на ЕУ во Пржино се за одреден датум на избори (24 април), а кој не е.
Притоа, во прилогот се заборава да се каже дека меѓународната заедница е претставена не само преку комесарот Хан, туку и преку неколку амбасадори и самиот посредник Хојте, потоа дека „гласаат“ и собраните импресии од сите оние институции кои се битни за реализација на Договорот од Пржино и така натаму.
Меѓутоа, прилогот содржи аналитика од првиот час по математика! Се собира „сè до бројот четири“, без на гледачите да им се објасни дека состанокот не е просто надгласување, дека гласање дури и нема, туку е нужен консензус.
„СПОЕНИ КОЛКОВИ“
Претставниците на четирите партии се различно претставени. За Заев е само констатирано дека пристигнал, но не и што рекол кога заминал, за Груевски е посветено значително повеќе време, а особено се нагласува дека „тој од Пржино оди да пушти нова инвестиција (!)“, што нема врска со темата. Партиите од албанскиот блок (ДУИ и ДПА), пак, добија една реченица и тоа „групно“, небаре Ахмети и Тачи имаат „споени колкови“!
Спинот го има и на крајот од прилогот:
„Согласно договорот од Пржино, на кој во јули параф ставија четворицата лидери Македонија треба да гласа на уште едни предвремени парламентарни избори во април. По мерењата на јавното мислење кои покажаа убедлива предност на ВМРО-ДПМНЕ и Никола Груевски пред Заев и неговиот Социјалдемократски сојуз, опозиционерите почнаа да наговестуваат одложување на изборите, а подоцна и лично Заев отворено почна да ја споменува можноста за пролонгирање на датумот.“
Овој цитат сокрива дека Договорот од Пржино не е остварен во многу точки и дека без тоа не е можно да се спроведат онакви избори заради кои е воспоставен Договорот. Тоа, пак, нема врска со евентуалниот моментен рејтинг на одделни партии.
Уште еден пример на навивачко новинарство, дури и во моменти кои се премногу сериозни за да се „шири оптимизам“ од рано наутро!
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
точни наводи
делумно
ИЗВОРИ НА ИНФОРМАЦИИ
има евидентирани извори
официјални
релевантни
повеќе извори
повеќестрани
СЕОПФАТНОСТ
несеопфатнo
прикриени информации
ПРИСТРАСНОСТ
делумно прикажува вистина
извртување на вистина (спин)
нема лажни информации
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
наведен автор
КВАЛИТЕТ НА НАСЛОВОТ
не информира
некреативен
несензационален
соодветен
тенденциозен
ФОТОГРАФИЈА
нема
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
солидни мултимедијални елементи
нема контекстуални линкови
делумно стилски уреден
неповрзан со тагови