Од спектакуларен наслов до новинарски дебакл
Објавено во Рецензии
on 25 - 02 - 2016 Автор: Ана Анастасовска
[Од медиумски спектакл до морален дебакл – Вирусот Заев смртоносен за опозицијата]
Овој текст воопшто не наликува на новинарски, бидејќи во себе не содржи ништо од она што по правило треба да го има во една новинарска статија. Имено, во написот нема информација, нема извори, тој е несеопфатен и коментаторски, блед обид за манипулација.
Линк на оригиналниот напис: Од медиумски спектакл до морален дебакл – Вирусот Заев смртоносен за опозицијата
Датум и време на објавување: 18.02.2016
Датум на рецензирање: 23.02.2016
Рецензент: Ана Анастасовска
ОПОЗИЦИЈАТА – ОКУПАТОР?!
Овој новинарски напис се обидува на читателот да му објасни и да му претстави што покажала првата акција на Специјалното обвинителство, насловена „Титаник“. Притоа, за изнесените наводи не постојат никакви докази, ниту факти. Не е посочено кој го заклучил тоа, туку само се прави обид да се креира спин и да се создаде поинаква слика во јавноста.
„Опозицијата нема намера да го демократизира општеството туку да го окупира.“
Тука не е јасна фактичката врска на опозицијата со Специјалното обвинителство и со акцијата „Титаник“. Како е можно покренување обвинение за сторено кривично дело од страна на СЈО да има некаква поврзаност со обидот на опозицијата да го демократизира општетсвото, па уште и да го окупира? Не се наведени ниту конкретни докази за тоа како опозицијата мисли да го „окупира“ општеството.
„Специјалното обвинителство пропушти голема шанса да ја врати довербата во судството и покажа дека настапува како продолжена рака на Заев и неговите странски ментори.“
Специјалното обвинителство се формираше токму поради тоа што довербата во судскиот ситем е нарушена и обвинителството не може да ја враќа довербата во судството, имајќи предвид дека предметот „Титаник“, што го покрена СЈО се води пред Кривичниот суд. Исто така, нејасно е на кој начин СЈО покажало дека настапува „како продолжена рака на Заев и неговите странски ментори“. И кои се тие странски ментори?
ВИРУСОТ ЗАЕВ!
„Професионалните стандарди кај медиумите што милуваат да се нарекуваат независни никогаш не биле на пониско ниво, а опозициските новинари никогаш не се потпирале повеќе на лаги и на манипулации место на факти и на аргументи.“
И тука повторно недостигаат аргументи и примери за тоа на кој начин се нарушени професионалните стандарди, не е наведено кои се медиумите кои „милуваат да се нарекуваат независни“ и на кој начин опозициските новинари се потпирале на лаги и на манипулации. Во написот се зборува за факти и за аргументи, а токму тоа е она суштинското што недостига во него.
„Сето ова, пак, води до еден заклучок – вирусот заев што предизвикува комплетна ерозија на моралните и на етичките човечки вредности сериозно е раширен не само кај неговите најблиски партиски соработници, туку и врз специјалната обвинителка и меѓу неговите медиумски труби.“
Сето ова, сепак, води кон еден друг заклучок: дека овој текст е блед обид за манипулација со читателите, кој личи на сè, освен на новинарски производ.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
нема факти
ИЗВОРИ НА ИНФОРМАЦИИ
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
дезинформира
некреативен
сензационален
соодветен
тенденциозен
ФОТОГРАФИЈА
има
несоодветна
манипулира
ненаведен автор(извор)
ГОВОР НА ОМРАЗА
навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
солидни мултимедијални елементи
има контекстуални линкови
делумно стилски уреден
поврзан со тагови