Повикување на бунт и на насилство
Објавено во Рецензии
on 25 - 02 - 2016 Автор: Љубомир Костовски
[Рецензија: Врие меѓу народот: протерување на амбасадорите и масовни протести пред амбaсадата на САД и ЕУ!]
На денот, а особено во ноќта на носењето на одлуката за иднината на земјава (23 февруари 2016 г.), кога пратеницитe имаа голема одговорност за тоа дали ќе му вдахнат „живот“ на Договорот од Пржино, некои написи се ставија во улога на подбуцнувачи – кадарни сите заедно да нè турнат во провалијата на историскиот неуспех! И во текстот што го анализираме имаме јасен поттикнувачки дух за насилство, за напади на странски амбасади и слично, и тоа во мигот кога единствениот глас на разумот и на спасот доаѓа од страна на меѓународните посредници и гаранти!
Линк до оригиналниот напис: Врие меѓу народот: протерување на амбасадорите и масовни протести пред амбaсадата на САД и ЕУ!
Датум и време на објавување: 23.02.2016
Датум на рецензирање: 23.02.2016
Рецензент: Љубомир Костовски
ГЛАСОТ НА НАРОДОТ?!
Наводно, се работи за пренесување на мислења од социјалниите мрежи, на отворање кон „гласот на народот“:
„Ај бе овие стварно му се навртеле на нашиот водач, господинот Груевски. Некаде прочитав, тука во Чикаго , оти сакаат како на Санадер да му направат, за да се турел крај на криминалот и тагувањето по комунизмот. Си играат со нас како мачка со глувче. Тие Русија ќе ја остават да гладува, нафтата ја направија пет банки од 500, не па нас ќе ни варат каша од леќа .Сироти ние што сме патриоти. Душа ме боли.“
Ова е типичен извадок на политичката наива која е собрана на страниците на еден весник, а пренесена преку друга објава, „надградена“ со наслов што јасно повикува на бунт!
Како што вели еден професор (во реакција на ваквата објава на социјалните мрежи), низ написот имаме производство на „нови човечиња кои се држат за рака и се водат некаде“.
Во текстот се споменуваат половина милион луѓе (!) кои би нè преплавиле како бегалски бран, што, белким, е стапот кој следи, ако не ги следиме амбасадорите. Иако, од прилозите (писмата) кои стигнале до редакцијата (!) не можеме добро да го видиме – морковот, кого секако мора да го има!
ПОТПАЛУВАЊЕ
Во оваа медиумска содржина се споменува и дека:
„Вечерва Србија ја затвори граноицата и со тоа Македонија стана колатерална штета на војните кои САД ги предизвика во Сирија, Ирак, Авганистан итн… А ДПМНЕ и СДСМ нека се караат кој ќе владее со МАкедониа, ама Македонија, ќе ја снема, ваква како што е денес.“
Со ваквата дезинформација свесно се шири паника меѓу граѓаните и истовремено се „осоколуваат“оние групи, кои се лесно „запаливи“ за улични немири. Имаме многу јасно поттикнување насилство и ширење на омраза кон точно одредени личности.
ШИРЕЊЕ ОМРАЗА
Објавени се и „мислења на народот“ кои се против пратениците, кои „неверно“ би гласале според меѓународниот диктат! Имаме многу јасно поттикнување на насилство и ширење омраза кон точно одредени личности.
Ваквото користење на народот за спроведување и за ширење на одредена политичка идеологија гледавме во белградските весници во времето на Милошевиќ. Дури и угледната „Политика“ имаше многу страници на кои се објавуваа такви „писма“ со кои се величеше ликот и делото „на вождот“.
Сега, за жал, имаме слична реплика на тој журнализам и кај нас.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
неофицијални, анонимни
нерелевантни
не може да се утврди
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
извртување на вистина (спин)
лажни информации
наклонетост
политичка пристрасност
КОМЕНТИРАЊЕ
има коментаторски елементи
издвоено од фактите
ПЛАГИЈАТ
делумна копија
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
нема
ГОВОР НА ОМРАЗА
навредлив говор
говор на омраза
потикнува на насилство
не дискриминира
политичка дискриминација,
УРЕДЕН ЗА ВЕБ
читлив
неквалитетни мултимедијални елементи
нема контекстуални линкови
делумно стилски уреден
неповрзан со тагови