Новинарот треба да работи во интерес на јавноста, а не на партијата
Објавено во Рецензии
on 14 - 07 - 2015 Автор: Ана Анастасовска
[Рецензија: Заев сака да се спаси себе си од криминалите, уцените и корупцијата]
Каде е веста во овој текст? Авторот сакал да каже нешто, ама не се докажал, а и тоа што го кажал, не држи вода.
Линкуван наслов на анализираниот напис: Заев сака да се спаси себе си од криминалите, уцените и корупцијата
Датум и време на објавување: 08.07.2015
Датум на рецензирање: 13.07.2015
Рецензент: Ана Анастасовска
Овој текст освен нафрлање лични видувања на авторот нема ништо друго. Нема вест, нема извори, нема ништо.
„Единственото што го интересира лидерот на опозицијата Зоран Заев е како да се спаси себе си од криминалите, уцените, корупцијата и барањето мито кои ги виде цела македонска јавност.“
Авторот го почнува написот со сериозни тврдења за лидерот на опозицискиот СДСМ, за криминали, корупција, мито и слично. Во ред е да тврдиш нешто, но тоа треба да се поткрепи со факти и со докази. Барем така наложуваат новинарските професионални стандарди.
„Соочен со неговите криминали и барања мито, како и со фактот дека се повеќе работи околу неговото срамно однесување се појавуваат во јавноста, Заев се обидува да ја дефокусира јавноста и преку конструирани материјали ставени во манипулативен контекст, да се извади од своите скандали и криминали.“
Иако читателот можеби очекува факти и докази за наводите изнесени во написот, тоа не може да го најде. Напишаното изгледа како пазарџиски муабет. „Еј овој Заев е криминалец и сега сака да пушта бомби за да го одвлече вниманието“. Тоа е суштината на текстот. Во него нема вест, нема ниту еден елемент на новинарски текст, нема ништо.
Обвинувањата за корупција и за мито на кои се алудира, инаку се дел од обвинението за случајот „Поткуп“, за кој судот сè уште нема донесено одлука дали ќе влезе во судска процедура. Значи, има обвинение, но не и судско дело. Поради тоа, новинарот не може да каже за некој дека е виновен, кога за тоа нема релевантни докази.
Овој напис е политички пристрасен и има само една цел, а тоа сигурно не е да го информира читателот, туку да го убедува во нешто. Чиста пропаганда за напад на противникот. Само, во овој случај, новинарот заборавил дека треба да работи во интерес на јавноста, а не на партијата.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
нема факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
нема евидентирани извори
СЕОПФАТНОСТ
несеопфатнo
можеби се прикриени информации
ПРИСТРАСНОСТ
делумно прикажува вистина
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
информира
некреативен
сензационален
соодветен
тенденциозен
ФОТОГРАФИЈА
има
несоодветна
манипулира
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
неквалитетни мултимедијални елементи
нема контекстуални линкови
делумно стилски уреден
неповрзан со тагови