Новинарот треба да истражува и да анализира, не да гата
Објавено во Рецензии
on 29 - 07 - 2015 Автор: Ана Анастасовска
[Рецензија: СДСМ ја надградува програмата со која изгуби со над 150.000 гласа разлика]
Ова е еден крајно манипулативен и тенденциозен текст, за кој многу лесно може да се каже и дека е политички пристрасен, односно навивачки. Главната поента на авторот е дека СДСМ, на предвремените парламентарни избори што треба да се одржат во април идната година, ќе изгуби исто како и лани – со огромна разлика, без притоа да посочи од каде таквиот заклучок, врз основа на кои анализи и истражувања?
Линкуван наслов на анализираниот напис: СДСМ ја надградува програмата со која изгуби со над 150.000 гласа разлика
Датум и време на објавување: 27.07.2015
Датум на рецензирање: 28.07.2015
Рецензент: Ана Анастасовска
Манипулацијата е содржана уште во самиот наслов: „СДСМ ја надградува програмата со која изгуби со над 150.000 гласа разлика“, односно уште на почетокот се гледа дека текстот има тенденција да го најави изборниот пораз на опозицијата на претстојните избори.
„Со нови мерки предлагани од граѓани на трибини и при непосредни средби СДСМ ќе ја дополнува старата програма. Засега, нема конкретна идеја што ќе се менува или подобри и во кои сектори ќе се дејствува. Таков е барем впечатокот по одговорот што го добивме од партијата кога прашавме за детали. Во екот на интензивни подготовки на второто надградување на „Решенија за Македонија“, со која Зоран Заев ги изгуби последните избори со над 150.000 гласа разлика, од партијата без одговор на кои постулати ќе се темелат дополнувањата, но со оправдување дека за с` ќе бидеме навремено известени.“
Очигледно е дека ова е самоволно толкување на авторот, кое не е поткрепено со ништо конкретно. Новинарот побарал информација, за која не добил детали и според сопствено видување, заклучил дека СДСМ повторно ќе изгуби на изборите. Каква небулоза! Сопствен став и видување може да се пренесе во коментар или колумна, а не и во новинарски текст. Сигурно од СДСМ не биле подготвени да откријат детали, но тоа и не мора да значи дека на следните избори ќе излезат со старата програма и дека поради тоа ќе изгубат. Тука е повеќе од јасно дека не станува збор за пренесување информации, туку за гатање.
„Од СДСМ, пак, официјално н информираа дека новата платформа ќе содржи дополнувања и нови решенија што носат квалитетен и подобар живот за секој граѓанин.“
Токму така. Има официјална изјава од СДСМ и доволно било таа да се пренесе и да се посочат воочените факти, а не и предвидувања. Нешто што не е објавено, во случајов новата програма на партијата, автоматски не може да биде предмет на какви било анализи, а уште помалку да се извлекуваат заклучоци. Обично се чека партиите да ги објават програмите, па потоа новинарите ги анализираат, но и тогаш не можат да кажат која програма и партија ќе победи. Тоа, на крај, сепак го одлучуваат гласачите.
Повеќе од јасно е дека овој текст е навивачки и дека има цел однапред да го оцрни опозицискиот СДСМ и да го прогласи за губитник. Но, ваквата теза, базирана на предвидувања и на лично видувања, не држи вода, туку служи само за мачкање очи на читателот.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
анонимни
релевантни
1 извор
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
наведен автор
КВАЛИТЕТ НА НАСЛОВОТ
информира
некреативен
сензационален
соодветен
тенденциозен
ФОТОГРАФИЈА
има
соодветна
информира
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
неквалитетни мултимедијални елементи
нема контекстуални линкови
делумно стилски уреден
неповрзан со тагови