Не само да се објави, информацијата треба и да се провери
Објавено во Рецензии
on 8 - 06 - 2016 Автор: Ана Анастасовска
[Рецензија: Илија Димовски исшамаран во Велес, полицајците си гледале СЕИР]
Материјалот што е предмет на оваа рецензија е едностран, се базира на рекла-кажала разговори, а добиените информации не се убаво проверени. Тоа го прави написот неверодостоен.
Линкуван наслов на анализираниот напис: Илија Димовски исшамаран во Велес, полицајците си гледале СЕИР
Датум и време на објавување: 06.06.2016
Датум на рецензирање: 08.06.2016
Рецензент: Ана Анастасовска
ЧАРШИСКИ МУАБЕТ
Овој новинарски производ, ако може така да се нарече, бидејќи ги нема основните елементи на еден професионален новинарски текст, повеќе наликува на чаршиски муабет. Имено, во текстот очигледно се сака да се оцрни името на пратеникот од редовите на ВМРО-ДПМНЕ, Илија Димовски.
„Ексклузивно дознаваме дека пратеникот од ВМРО ДПМНЕ и координатор на пратеничката група Илија Димовски бил добро зашлакан во кафеана во Велес изел повеќе шлаканици од негов партиски колега, припадници на полицијата иако биле во близина не смееле и не реагирале, па така баце Илија си го изел немиен или миен не знаеме со чисти ли раце добил следовање, ама ќе дознаеме оти Доказ прв дознава! Ах, да добил и затилник онака берберски само доста посилно…“
Освен наводната ексклузивна вест и коментари со непристоен речник, во овој напис нема ништо друго. Нема конкретни информации, во која кафеана во Велес се случил инцидентот, нема информација ниту кој бил сопартиецот на Димовски. Нема ништо. Не е побаран став од засегнатата страна, во случајов пратеникот на ВМРО-ДПМНЕ.
Сето ова, односно, многуте дилеми што произлегуваат од текстот, го прави истиот неверодостоен.
Задача на новинарот е кога ќе дојде до една информација, истата да ја провери од колку што е можно повеќе извори. Всушност, тоа го пропишува и Кодексот за новинари во првиот член:
Новинарот треба да објавува точни, проверени информации и нема да прикрива суштински податоци и да фалсификува документи. Доколку информацијата не може да се потврди или станува збор за претпоставка, односно шпекулација, тоа треба да се каже и да се објави. Точноста на информацијата треба да се провери колку што е тоа можно.
Вака пренесен, написот изгледа како да има една цел, а тоа е напад и оцрнување на пратеникот Илија Димовски.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
нема евидентирани извори
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
не може да се утврди
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
информира
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
нема мултимедијални елементи
нема контекстуални линкови
стилски неуреден
неповрзан со тагови