Кога медиумот крши ’рбет
Објавено во Рецензии
on 8 - 06 - 2016 Автор: Зоран Бојаровски
[Рецензија: Заев повторно ја витка „кичмата“: Македонија ја провоцира Грција, мора да направиме отстапки]
Колку пати може да се скрши еден ’рбет. Со помош на пропагандата и со едностраното, пристрасно новинарство – илјадници пати. Колку пати сакаш!
Пред нас е медиумска содржина која е изведена од интервју на лидерот на опозицијата во Македонија за една странска агенција.
Освен што нема линк до интервјуто за да се види дека е реално и за да се добие можност читателите да добијат увид во сите аспекти опфатени во ова интервју, текстот што го рецензираме вади само една поента од тој разговор и го става во рамка со предумисла да ги прикаже како проблематични поентите на интервјуираниот.
Како дојдовме до тој заклучок? Многу едноставно. На публиката не ѝ е даден друг избор. Сервирано ви е готово јадење. Прво се одбрани состојките, додадени се зачините, спакувано е и не ви останува ништо друго, освен да го – голтнете. Ако сакате!
На читателите не им се понудени одделни состојки од кои тој самиот ќе ја состави содржината.
Линк до оригиналниот напис: Заев повторно ја витка „кичмата“: Македонија ја провоцира Грција, мора да направиме отстапки
Датум и време на објавување: 06.06.2016, 14:23
Датум на рецензирање: 08.06.2016
Рецензент: Зоран Бојаровски
БАЈАТ ЗАЧИН
Главниот зачин е доста бајат. Се вади веќе застоената изјава за „виткањето на ’рбетот“, како израз за компромис во однос на името. Навистина несреќна политичка изјава, но веќе е мемлива. А кога мемливи состојки додавате во новинарски продукт, ви се заканува блуткава чорба.
Ако се навратиме на „свежото“, актуелно интервју од кое се прави медиумска содржина, всушност и немате ништо проблематично. Еве ја поентата за спорот за името со Грција:
„Првиот чекор е да престанат провокациите, да се пружи рака на пријателство и да почнат интензивни разговори. Грција може уште 200 години да опстане со ваков проблем. Ние сакаме да бидеме членки на ЕУ и на НАТО. Без решение на овој проблем не можеме да влеземе ниту во ЕУ ниту во НАТО – вели Заев за „Бета“, пренесува „Вечерње новости“.“
Но, за махерите на пропагандата, оваа изјава мора да се „забибери“. Затоа, како што веќе рековме, се вади од кородираната конзерва изјавата за „виткањето на ’рбетот“ и – вуала – нова пропагандна манџа!
За среќа, рокот на овие манџи е одамна поминат и лесно се препознаваат. По мирисот. Надалеку!
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
Делумно
Делумно
делумно
ИЗВОРИ НА ИНФОРМАЦИИ
има евидентирани извори
официјални, неофицијални
релевантни, нерелевантни
не може да се утврди
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
не може да се утврди
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
навредлив говор
нема говор на омраза
не потикнува на насилство
не дискриминира
политичка дискриминација,
УРЕДЕН ЗА ВЕБ
читлив
нема мултимедијални елементи
нема контекстуални линкови
стилски уреден
поврзан со тагови