Полуинформација – услов за паника
Објавено во Рецензии
on 8 - 06 - 2016 Автор: Димитар Тануров
Текстот кој е сензационалистички напишан, е можен извор за паника кај дел од јавноста. Проблематиката на болеста воопшто не е начната ниту, пак, се дадени мислења од епидемиолози или од надлежните институции за справување со заразни болести.
Линк до оригиналниот напис: ОПАСНА БОЛЕСТ СЕ ШИРИ ВО СРБИЈА: И во Македонија може да се појави!
Датум на рецензирање: 07.06.2016
Рецензент: Димитар Тануров
„Кожна заразна болест наречена Лајшманиоза, Cutaneous leishmaniasis, која се шири во Сирија и Блискиот Исток, му зе заканува на регионот“.
Насловот на текстот наведува дека болеста е веќе проширена во соседна Србија, но во главата на веста овој податок не е пренесен, туку се наведува Сирија како место каде е распространета болеста.
Информацијата, како што и се наведува во написот, е пренесена од српскиот портал „Телеграф“, но не целосно. Во самиот напис се наведува како болеста се пренесува и кои се симптомите, но не се открива како да се превенира ниту, пак, дали се лекува и како.
Во пренесената информација стои дека болеста ѝ се заканува и на Македонија, но во изворниот текст стои дека таа е веќе регистрирана во Македонија! Освен изјавата на српскиот епидемиолог, нема други изјави. Не се консултирани македонските епидемиолози ниту, пак, е побарано од Републичкиот завод за здравствена заштита на Македонија, информација дали болеста навистина е регистрирана во земјата, колку случаи досега има и какви се резултатите од лекувањето.
Пренесувањато полуинформација, особено ваква за заразни болести, може да создаде паника кај јавноста, особено ако се искомбинира со сензационалистички наслов, како што е во случајот.
Ваквиот начин на информирање е спротивен на тоа што го налага Кодексот на новинари, односно правилото информациите да се проверат пред да се објават, да не се прикриваат суштински податоци и да не се користи сензационализам во случаи на несреќи, елементарни непогоди, војни, семејни трагедии, болести и судски постапки.
Со Кодексот, истовремено, е забрането бројот на кликнувања на порталот да биде предмет на трговија со професионализмот и со правото на јавноста да биде информирана – објективно.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
официјални
релевантни
1 извор
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
делумно прикажува вистина
извртување на вистина (спин)
лажни информации
наклонетост
политичка пристрасност, комерцијална пристрасност, друга пристрасност,
КОМЕНТИРАЊЕ
нема коментаторски елементи
ПЛАГИЈАТ
делумна копија
ненаведен автор, наведен извор без линк
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
Не може да се утврди без дополнителна проверка
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
не апликативно
има контекстуални линкови
стилски уреден
поврзан со тагови