Не е важно кој објавува, важно е да се напаѓа!
Објавено во Рецензии
on 17 - 02 - 2016 Автор: Димитар Тануров
[Рецензија: Специјалната Фатиме јавно се заканува!]
Текстот е едностран, граден врз основа на непроверени и на погрешни факти и има цел да ја дискредитира специјалната јавна обвинителка Фатиме Фетаи. Оваа медиумска содржина свесно ја дезинформира јавноста дека обвинителката Фетаи, наводно, се заканувала откако Судот не ги прифати барањата на специјалната обвинителка Катица Јанева и на нејзиниот тим да им одреди притвор на осомничените во акцијата „Титаник“.
Линк до оригиналниот напис: Специјалната Фатиме јавно се заканува!
Датум и време на објавување: 14.20.2016 – 22:46
Датум на рецензирање: 15.12.2015
Рецензент: Димитар Тануров
НЕПРОВЕРЕНА ИНФОРМАЦИЈА
Написот се темели на објава на социјалната мрежа „Фејсбук“ и тоа на ФБ-страница на обожаватели, а која не е ниту раководена од самата обвинителка.
„Специјалната јавна обвинителка Фатиме Фетаи јавно се заканува! По одлуката на Судот да не определи мерка притвор на барањето на СЈО за 8 лица опфатени во нивната истрага, специјалната обвинителка реши да се стави над Уставот, законите и над Република Македонија и јавно преку нејзиниот фан клуб на социјалната мрежа Фејсбук порача:
„Тие мислат дека преживеале? Многу згрешат, само што почнаа да тонат…““
Во текстот потоа се цитираат делови од Кривичниот закон, кои укажуваат на тоа колкава е казната за јавна закана и за јавно вршење притисок. И токму оваа поента со казните се извлекува во наднасловот, со кој се испраќа исклучително заканувачка порака:
„За ова се лежи затвор“
И сето ова е направено без да се провери информацијата, постапка која се коси со основните принципи на новинарскиот Кодекс (членот 1), вклучувајќи ја и преамбулата:
Основна задача на новинарите е да ја почитуваат вистината и правото на јавноста да биде информирана во согласност со член 16 од Уставот на Република Македонија. (преамбула)
Новинарот треба да објавува точни, проверени информации и нема да прикрива суштински податоци и да фалсификува документи.
Точноста на информацијата треба да се провери колку што е тоа можно. (член 1)
Истиот ден, Специјалното обвинителство, преку својата официјална страница на „Фејсбук“ објави дека на социјалната мрежа се појавиле лажни профили и обожавателски страници за обвинителките, дека изнесените објави не се ставови на јавното обвинителство и оти обвинителката Фетаи нема профил на социјалната мрежа.
„Ве известуваме дека на социјалната мрежа facebook се појавија страни за поддршка на јавни обвинители од ова Јавно обвинителство и лажни профили, кои не се креирани од наша страна и не се под наша контрола…
Воедно Ве известуваме дека обвинителката Фатиме Фетаи нема свој профил.“
Сепак, оваа информација воопшто не е пренесена во материјалот што го рецензираме, па тој не му дава целосна слика на читателот. Вака поставениот текст остава впечаток дека овој податок е намерно изоставен бидејќи ако и тоа се презентирало, целата теза со која се напаѓаат СЈО и обвинителската Фетаи паѓа во вода.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
неточни наводи
неверодостојни наводи
ИЗВОРИ НА ИНФОРМАЦИИ
има евидентирани извори
неофицијални
нерелевантни
1 извор
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
не може да се утврди
извртување на вистина (спин)
неточна информација
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
нема
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
солидни мултимедијални елементи
нема контекстуални линкови
делумно стилски уреден
неповрзан со тагови