„Накалемен“ спинерски наслов на туѓа сторија
Објавено во Рецензии
on 3 - 01 - 2017 Автор: Љубомир Костовски
[Рецензија: Додека Градоначалникот на Куманово носи цвикери од стотици евра ова 8 члено семејство нема шпорет за греење и живее во голема сиромаштија]
Станува збор за преземена информација за едно осумчлено семејство од старонагоричанскиот регион, на која е „накалемен“ спинерски наслов кој има цел да извади кабаетлија политичар кој нема ама никаква врска со веста. За што, вушност, се работи?
Линк до оригиналниот напис: Додека Градоначалникот на Куманово носи цвикери од стотици евра ова 8 члено семејство нема шпорет за греење и живее во голема сиромаштија
Датум и време на објавување: 27.12.2016
Датум на рецензирање: 03.01.2017
Рецензент: Љубомир Костовски
ИЗОСТАВЕНА ПОФАЛБА
„Хуманитарната организација „Крепост“ од Куманово подари шпорет на дрва и поголема количина на друга хуманитарана помош на семејството осумчленото слепо семејство Младеновски од планинското село Враготурце во пресрет на новогодишните празници. Членовите на организацијата се организираа да помогнат откако на САКАМДАКАЖАМ.МК беше објавена приказна за тешкиот живот на ова осумчлено семејство, кое живее во голема сиромаштија“.
Овој цитат на веста е точен, како и целиот содржински дел што е пренесен од оригиналниот напис, кон кој има точно наведен линк. Проблемот е во тоа што на преземен текст е додаден наслов кој никако не извира од материјалот. Имено, насловот кој гласи „ Додека Градоначалникот на Куманово носи цвикери од стотици евра ова 8 члено семејство нема шпорет за греење и живее во голема сиромаштија“, нема никаква врска со текстот. Најпрвин затоа што се случува во сосема друга општина – во Старо Нагоричане, каде градоначалник е друга личност и е од друга политичка опција, ако веќе тоа станува битен момент. Навистина е нејасно како може кумановскиот градоначалник да биде одговорен за нешто што се случува во друга општина? И каква е улогата на неговите очила, за кои не е наведен опис (марка) и прецизна цена, туку се користи формулацијата „стотици евра“ и се прави спинерска конструкција дека споменатиот политичар носи скапи очила и се расфрла со пари, додека „обични“ луѓе живеат во сиромаштија.
Тука, со оглед дека се работи за преземен текст, се прави и класичен фаул кон изворот на веста. Наместо да биде пофалена иницијативата на редакцијата (се работи, инаку, за вест во низа – најпрвин има информација за состојбата на осумчленото семејство, а по објавувањето на сторијата се јавиле спонзори за да помогнат да се подобри нивната социјална ситуација), таа е само злоупотребена да се влезе во непристојни асоцијации кон градоначалникот на Куманово.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
точни наводи
веродостојни наводи
ИЗВОРИ НА ИНФОРМАЦИИ
има евидентирани извори
неофицијални
релевантни
1 извор
еднострани
СЕОПФАТНОСТ
сеопфатнo
нема прикриени информации
ПРИСТРАСНОСТ
целосно прикажува вистина
има во насловот
не може да се утврди
наклонетост
политичка пристрасност
КОМЕНТИРАЊЕ
нема коментаторски елементи
издвоено од фактите
ПЛАГИЈАТ
делумна копија
наведен извор со линк
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
има во насловот
нема говор на омраза
не потикнува на насилство
не дискриминира
политичка дискриминација,
УРЕДЕН ЗА ВЕБ
средно читлив
нема мултимедијални елементи
има контекстуални линкови
делумно стилски уреден
поврзан со тагови