Нагласено пристрасен текст
Објавено во Рецензии
on 18 - 01 - 2016 Автор: Владо Ѓорчев[Рецензија: Заев сака продолжување на агонијата- бара одложување на изборите]
Основни одлики на овој текст се премногу шпекулации, непроверени информации и голема доза тенденциозност. За сметка на тоа, се забележува отсуство на аргументи, поткрепени тврдења и на кредибилни извори.
Линк до оригиналниот напис: Заев сака продолжување на агонијата- бара одложување на изборите
Датум на објавување: 15.01. 2016, 23:34
Датум на рецензирање: 18.01.2016
Рецензент: Владо Ѓорчев
БЕЗ ПОЛИТИЧКА ДИСТАНЦА
Вистинитоста на текстот што го рецензираме е крајно проблематична, тој не нуди докази дека изнесените тврдењата се точни.
„Нашите извори велат дека ВМРО-ДПМНЕ, ДУИ и ДПА се за избори на договорениот датум и трите партии предложиле уште многу предлози кои треба да обезбедат дополнителна сигурност во изборите, но Заев се плаши од народот и бега од соочување со неговата волја.“
Написот не ги посочува конкретно изворите на информации, туку ја користи (се затскирва зад) воопштената формулација „брифираат извори од преговорите“, или „нашите извори“, без да ги лоцира поблиску. Тогаш, како и зошто читателите да им веруваат на ваквите информации?
Дополнително, целиот текст натежнува од коментари и од пристрасност. Пишуван без нужната политичка дистанца (како што налага Кодексот на новинарите – член 14), неумесно констатира:
„Сите се свесни за сериозноста на опструкциите кои ги прави лидерот на СДСМ, бидејќи знаат дека неговото однесување и избегнувањето на изборите како клучен дел од договорот ја враќаат Македонија назад и практично значат поништување на се што е постигнато.“
НАВРЕДЛИВ ТОН
Фокусиран да го дискредитира Заев и да го претстави како личност која нема политички капацитет и влече несериозни потези, овој напис го спушта нивото на комуникација и со наврделив тон забележува:
„…лидерот на СДСМ е нестабилна личност!“
Еден коректен новинарски производ не би си дозволил на публиката да ѝ се обраќа да со таков недоличен речник. Но, текстот што е пред нас нема идеја да пренесе чиста и необременета информација, туку се впушта во политичко-партиска пресметка и свесно зазема страна.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
неофицијални, анонимни
нерелевантни
не може да се утврди
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
не може да се одреди
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
солидни мултимедијални елементи
нема контекстуални линкови
делумно стилски уреден
поврзан со тагови