Скапа облека – евтин текст
Објавено во Рецензии
on 19 - 01 - 2016 Автор: Димитар Тануров[Рецензија: Рада и Прада не се делат – кариеристиката од Пржино повторно се луксузира!]
Текстот е критизерски скроен и е правен со единствена намера – да ја дискредитира заменик-претседателката на СДСМ. Уште во поднасловот на оваа медиумска содржина се најавува дека таа има цел да етикетира и да оцрнува. Тоа се гледа во начинот на кој се презентира работната биографија на Радмила Шекеринска.
Линк до оригиналниот напис: Рада и Прада не се делат – кариеристиката од Пржино повторно се луксузира!
Датум и време на објавување: 17.01.2016 – 21:20
Датум на рецензирање: 18.01.2016
Рецензент: Димитар Тануров
ДА СЕ УНИШТИ УГЛЕДОТ НА ШЕКЕРИНСКА!
Користејќи го терминот „кариеристка“, написот ја претставува Шекеринска како „ловец на позиции и на богатсво“, чија главна цел е трошење пари, не само на народот, туку и на нејзиниот сопруг!
„Некој гради кариера во банка, некој на Универзитет, некој во партија, некој во Горно Седларце, друг во Брисел, трет во Пржино. Токму така, Радмила Шекеринска, актуелна заменичка-претседател на СДСМ која својата кариера ја изгради по амбасади, на грбот на СДСМ, на граѓаните и на паричникот на Бобо е – кариеристиката на Пржино.“
Текстот посочува дека вториот човек на опозицијата има „скап“ вкус, за облека, тврдејќи дека парчињата што ги носи, наводно, се од познати брендови. Меѓутоа, не нуди цврсти докази за да нè убеди дека тоа е така. Наводните суми на облеката се обидува да ги оправда со фотографии од интернет од производи од познати брендови, кои не се идентични со тие што ги носи политичарката. Во еден дел од материјалот и се наведува дека не се сигурни за кој бренд чанта станува збор:
„Нејзината чанта е од брендот Прада (така барем вели Гугл, иако ние мака мачевме да утврдиме дали е Прада или Хермес So Kelly).“
Пишувањето за луксузите на народните претставници е легитимна тема, ако со нив се разоткрива корупција или злоупотреба на функцијата. Дополнително, во конкретниот случај не се наведува дека Шекеринска повеќе не е пратеничка во Собранието на Република Македонија. Таа по изборите во 2014 година, доби апанажа, која минатата година, во текот на летото, ѝ истече. Испуштањето на повој податок создава впечаток дека таа сè уште прима плата од народот. Но, овој исклучително тенденциозен текст нема намера да се занимава со вистината, туку е фокусиран да го урниса угледот на Шекеринска.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
официјални, неофицијални
повеќе извори
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
не може да се одреди
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
манипулира
ненаведен автор(извор)
ГОВОР НА ОМРАЗА
навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
солидни мултимедијални елементи
нема контекстуални линкови
делумно стилски уреден
неповрзан со тагови