Спинувана приказна
Објавено во Рецензии
on 18 - 01 - 2016 Автор: Димитар Тануров[Рецензија:Заев бега од избори затоа што се плаши од народот]
Текстот е едностран и коментаторски. Наместо информациите непристрасно да се презентираат, во согласност со новинарските стандарди, тие се коментираат, наменски се налепуваат нецелосни податоци и притоа се дава само владината страна.
Линк до оригиналниот напис: Заев бега од избори затоа што се плаши од народот
Датум и време на објавување: 16.012016, 12:44
Датум на рецензирање: 18.01.2016
Рецензент: Димитар Тануров
ВАЖНА Е САМО ИЗЈАВАТА НА ПРЕМИЕРОТ!
„Лидерот на СДСМ, Зоран Заев панично ги напушти синоќешните преговори во Пржино, а со истата таа паника сака да го избегне соочувањето со народот.“
При презентирањето на веста се изнесува лична оцена на случувањата и се спинува целата приказна. Како поткрепаа на пласираните ставови се користат информации од претходно објавени истражувања, за кои не се наведува кој ги спровел, кога се објавени, ниту, пак, се откриваат резултатите, туку само се коментира.
Во овој материјал е дадена само изјавата на премиерот:
„Не се зборуваше за никави детали околу изборите, а не се зборуваше ни за Законот за медиуми, ниту, пак, за методологијата за прочистување на избирачките списоци, бидејќи Зоран Заев не сакаше за тоа да се зборува. Тој инсистираше да се прифати од страна на сите политички партии дека е добро да се одложат изборите. Ни потроши повеќе од 12 часови за цело време да бара, да моли, да убедува и да инсистира да нема избори на 24 април.“
Изјавата на опозицијата, пак, односно на лидерот на СДСМ, воопшто ја нема. Исто така, не е прикажана ниту изјавата на еврокомесарот Јонахес Хан, па читателите немаат можност самите да се уверат што тој точно кажа, туку наменски се сугерира субјективна оценка:
„Дури и еврокомесарот Хан е убеден дека има доволно време до крајот на април да се обезбедат сите услови за изборите да се одржат.“
Написот користи политички обоен јазик, селективно ги прикажува работите, а со испуштање и со премолчување на дел од информациите, се обидува да ја дискредитира опозицијата:
„Заев синоќа со часови се обидувал да издејствува одложување на изборите, па молел и убедувал соочувањето со народот да не се случи на 24-ти април.“
Ваквиот начин на известување не ѝ овозможува на јавноста да добие целосна и објективна слика за настаните, туку креира перцепција во прилог на одредена политичка елита – владејачката.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
официјални
релевантни
1 извор
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
делумно прикажува вистина
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
не може да се одреди
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
солидни мултимедијални елементи
нема контекстуални линкови
делумно стилски уреден
поврзан со тагови