verifikimiifakteve.mksitemap
verifikimiifakteve.mksitemap

Манипулација со соопштението на Могерини и на Хан

on 20 - 12 - 2016       

kurir

[Рецензија: Могерини и Хан честитаа на победниците ВМРО-ДПМНЕ]

 

Спинерско-навивачки текст што треба да предизвика ефект на триумфализам кај публиката зашто владејачката партија победила, иако во моментот кога е пишуван и објавен написот, тоа не беше фактичката ситуација. Злоупотребена е писмената изјава на европскиот двоец Могерини-Хан и извртена нејзината суштина преку пласирањето бомбастичен наслов „Могерини и Хан честитаа на победниците ВМРО-ДПМНЕ“.

 1111Линк до оригиналниот напис: Могерини и Хан честитаа на победниците ВМРО-ДПМНЕ

 Датум и време на објавување: 12.12. 2016  23:32

 Датум на рецензирање: 17.12.2016

 Рецензент: Владимир Мирчески

 

 

„ЛАЖГИ СО ОПАШКИ“

 Тешка невистина или, народски кажано, „лажги со опашки“ за партиски потреби. Спинот е сериозен, направена е манипулација со заедничкото соопштение на високата претставничка за надворешна и безбедносна политика на ЕУ и на еврокомесарот за проширување, издадено еден ден по парламентарните избори во земјава. Да, содржината на писмото релативно коректно е пренесена во материјалот, но насловната конструкција е сè само не коректна. Се зборува дека Хан и Могерини им честитале на победниците ВМРО-ДПМНЕ! Ајде да бидеме реални. Никаде во текстот не се споменуваат честитки, победници, ниту губитници, а уште помалку ВМРО-ДПМНЕ.

Заради коректност, ќе го цитираме соопштението во целост:

„Неделните предвремени парламентарни избори во БЈР Македонија минаа на мирен и уреден начин, со добар одѕив на гласачите. Тие беа следени од набљудувачката мисија на ОБСЕ/ОДИХР која попладнево објави прелиминарна изјава. Овие вонредни парламентарни избори беа клучен елемент од Договорот од Пржино од 2015 година. Тие ѝ нудат на земјата клучна можност за обнова на демократски, конструктивен дијалог за надминување на долготрајната политичка криза и обединување зад заедничка цел на евроатланските интеграции. Политичките партии мора да дејствуваат на инклузивен начин, вклучувајќи активна парламентарна опозиција и динамичен граѓански сектор. Очекуваме брзо формирање на новиот парламент и на новата влада и спроведување на реформите за решавање на системското владеење на правото, а исто така и на реформските приоритети. Владата и опозицијата треба да продолжат со спроведување на претходните политички договори во целост, вклучувајќи поддршка на работата на канцеларијата на Специјалното обвинителство. Европската Унија ќе продолжи да ја поддржува земјата во процесот на реформи и на нејзиниот пат кон европската интеграција“.

 

ВИРТУЕЛНИ ЧЕСТИТКИ

Ниту трага од честитки до владејачката партија. Прво, никој, барем не релевантен фактор од меѓународната заедница, предвреме не би се истрчал и некому би му честитал изборна победа во услови кога сите законски рокови и правни лекови не се исцрпени. Видовме дека не е сè готово, особено по одлуката на Управниот суд. Второ, не е карактеристично за дипломатскиот речник најдиректно да се праќаат јавни честитки до победникот со негово јасно именување.

Но, како и да е, во текстов ни се продаваат некакви „честитки до победникот ВМРО-ДПМНЕ“, кои едноставно ги нема во соопштението на Могерини и на Хан. Изгледа станува збор за виртуелни поздрави од Брисел до ВМРО.

 


Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).

ИНФОГРАФИК

infoVistinitostВИСТИНИТОСТ

има факти

точни наводи

делумно

infoVistinitostИЗВОРИ НА ИНФОРМАЦИИ

има евидентирани извори

официјални

релевантни

1 извор

еднострани

infoVistinitostСЕОПФАТНОСТ

несеопфатнo

можеби се прикриени информации

infoVistinitostПРИСТРАСНОСТ

делумно прикажува вистина

извртување на вистина (спин)

лажни информации

наклонетост

политичка пристрасност

infoVistinitostКОМЕНТИРАЊЕ

нема коментаторски елементи

infoVistinitostПЛАГИЈАТ

не може да се одреди

ненаведен автор, наведен извор без линк

infoVistinitostКВАЛИТЕТ НА НАСЛОВОТ

дезинформира

некреативен

сензационален

несоодветен

тенденциозен

infoVistinitostФОТОГРАФИЈА

има

соодветна

ни манипулира ни информира - ставена е само како илустрација

ненаведен автор(извор)

infoVistinitostГОВОР НА ОМРАЗА

нема навредлив говор

нема говор на омраза

не потикнува на насилство

не дискриминира

infoVistinitostУРЕДЕН ЗА ВЕБ

читлив

нема мултимедијални елементи

нема контекстуални линкови

стилски уреден

поврзан со тагови

Напишете коментар

Вашата адреса за е-пошта нема да биде објавена. Задолжителните полиња се означени со *

This site uses Akismet to reduce spam. Learn how your comment data is processed.

Претплатете се за најнови вести