Манипулација обоена со расизам
Објавено во Рецензии
on 7 - 03 - 2016 Автор: Ана Анастасовска
[Рецензија: Девојка открила неверојатна тајна после неколку месечна врска со црнец]
Овој текст во неколку сегменти го прекршува Кодексот на новинарите. Написот нема никакви извори, раскажаното во него е анонимно и плус е дискриминаторски.
Линк на оригиналниот напис: Девојка открила неверојатна тајна после неколку месечна врска со црнец
Датум и време на објавување: 01.03.2016
Датум на рецензирање: 04.03.2016
Рецензент: Ана Анастасовска
ДИСКРИМИНАТОРСКИ ТЕКСТ
Во текстот, анонимна девојка раскажува за наводна врска со црнец кој бил дојден службено да работи во нејзината земја. Момчето исчезнало од нејзиниот живот, а таа подоцна разбрала дека во неговата матична земја бил женет и имал деца, што било огромно разочарување за анонимната девојка.
Самиот наслов на текстот е манипулативен и звучи расистички и дискриминаторски. Имено, во целата приказна најмалку е важно од која раса било момчето. Тоа можело да се случи и доколку тој бил белец. Со самото нагласување на неговата боја на кожата, написот прави дискриминација врз основа на раса.
На тој начин е прекршен членот 10 од Кодексот на новинарите во кој јасно се наведува дека:
„Новинарот нема свесно да создава ниту преработува информации што ги загрозуваат човековите права или слободи, нема да говори со јазикот на омразата и нема да поттикнува на насилство и дискриминација по која било основа (национална, верска, расна, полова, социјална, јазична, сексуална ориентација, политичка…).“
Понатаму, текстот никаде не евидентира извори, од каде е преземен текстот, кога и каде е објавен, нема линкови, што ја доведува во прашање неговата автентичност.
Со ова е прекршен членот 12 од Кодексот на новинари кој вели:
Плагијаторството е неприфатливо. Цитатите не смеат да се користат без да се нагласи изворот или авторот.
Текстот е несеопфатен и неверодостоен. Тој е сензационалистички и единствено има цел да собере што повеќе кликнувања.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
нема евидентирани извори
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
нема извртување на вистина (спин)
не може да се утврди
Не може да се утврди
друга пристрасност
КОМЕНТИРАЊЕ
нема коментаторски елементи
ПЛАГИЈАТ
не може да се одреди
ненаведен автор, ненаведен извор
КВАЛИТЕТ НА НАСЛОВОТ
не информира
некреативен
сензационален
несоодветен
тенденциозен
ФОТОГРАФИЈА
има
несоодветна
манипулира
ненаведен автор(извор)
ГОВОР НА ОМРАЗА
навредлив говор
нема говор на омраза
не потикнува на насилство
дискриминира
расна дискриминација
УРЕДЕН ЗА ВЕБ
читлив
солидни мултимедијални елементи
нема контекстуални линкови
делумно стилски уреден
неповрзан со тагови