Коментирање маскирано во вест заради политички напад
Објавено во Рецензии
on 15 - 11 - 2016 Автор: Димитар Тануров[Рецензија: Груевски избега од Пендаровски: Еве кои се носителите во ВМРО-ДПМНЕ]
Текстот коментира, а тврдењата не ги поткрепува со податоци што би ги оправдале изнесените ставови. Вака конципиран, остава впечаток дека има цел да направи спин во полза на опозицијата и да создаде поинаква перцепција кај читателите.
Линк до оригиналниот напис: ГРУЕВСКИ ИЗБЕГА ОД ПЕНДАРОВСКИ: ЕВЕ КОИ СЕ НОСИТЕЛИТЕ ВО ВМРО-ДПМНЕ
Датум и време на објавување: 11.11. 2016
Датум на рецензирање: 14. 11. 2016
Рецензент: Димитар Тануров
КОМЕНТАР УШТЕ НА ПОЧЕТОКОТ
Самиот наслов навестува за каков вид текст ќе стане збор, односно уште во него може да се забележи присуство на коментар. Тоа се гледа и во првиот дел од текстот, во кој е изнесено тврдење.
„Груевски избега од првата изборна единица каде го очекува тежок изборен пораз од Стево Пендаровски. Во било која изборна единица и да отидеше, ќе доживее тежок пораз. Првата изборна единица на најголемата предизборна коалиција досега ќе ја предводи Никола Попоски“.
Според својата форма, написот би требало да претставува вест, односно пренесување информација за одреден настан. Сепак, спротивно на новинарските стандарди, кои налагаат жанрот „вест“ да биде ослободен од коментирање на фактите, туку да се задржи само на нивно пренесување, во самиот влез на информацијата е презентирана констатација, коментар. Изнесените податоци не се поддржани со никакви факти, како, на пример, податоци од анкета на јавното мислење, која би покажала дека Стево Пендаровски има поголем рејтинг од лидерот на ВМРО-ДПМНЕ, Никола Груевски, не само во првата изборна единица, туку во сите други делови на земјата. Таков податок не е наведен, поради што се остава простор да се заклучи дека станува збор за субјективен став.
НЕДОСТИГА БИТНА ИНФОРМАЦИЈА
Истовремено, во текстот не е наведено која е причината за одлуката лидерот на владејачката партија Никола Груевски да ја предводи листата во четвртата изборна единица. Овој податок беше изнесен заедно со имињата на носителите на кандидатските листи, а Груевски дури и ја објави причината на својата официјална фејсбук-страница. Изоставањето на овој податок, овозможува да се прави спин.
Остатокот од написот е коректно пренесување на информација за носителите на листите и нема ништо спорно во однос на пренесувањето на податоците.
Влезот на написот, односно наводната глава на веста, му дава политичка обоеност на написот, што е спротивно на Кодексот на новинарите, кој налага новинарот да први разлика меѓу вест и коментар, да биде непристрасен и објективен при информирање.
13.Новинарот треба да прави разлика меѓу фактите и мислењата, меѓу веста и коментарот.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
дел од фактите се точни, со другото се прави спин.
неверодостојни наводи
ИЗВОРИ НА ИНФОРМАЦИИ
нема евидентирани извори
1 извор
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
делумно прикажува вистина
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
не може да се одреди
ненаведен автор, ненаведен извор
КВАЛИТЕТ НА НАСЛОВОТ
дезинформира
некреативен
сензационален
соодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
наведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
дискриминира
политичка дискриминација
УРЕДЕН ЗА ВЕБ
читлив
не апликативно
нема контекстуални линкови
делумно стилски уреден
неповрзан со тагови