Спинувана изјава на Шекеринска
Објавено во Рецензии
on 15 - 11 - 2016 Автор: Ана Анастасовска[Рецензија: Шеќеринска разочарана од изборот на Американците – Поразот на Клинтон значи и пораз на Сорос]
Ова е политички мотивиран и спинуван текст, кој нема објаснување и потврда за тезите што ги нуди. Неговата цел е да ја изврти изјавата на заменик-претседателката на СДСМ, Радмила Шекеринска, дадена по повод изборот на Доналд Трамп за претседател на САД и таа, односно партијата, по секоја цена да се доведе во корелација со Сорос.
Линк до оригиналниот напис: Шеќеринска разочарана од изборот на Американците – Поразот на Клинтон значи и пораз на Сорос
Датум и време на објавување: 09.11.2016
Датум на рецензирање: 15.11.2016
Рецензент: Ана Анастасовска
МНОГУ ПРАШАЊА, НИТУ ЕДЕН ОДГОВОР
Насловот на текстот веднаш отвора многу прашања за кои подолу во написот не се понудени одговори. Изјавата на Шекеринска е наменски искористена за да се спинува и да се создаде погрешна слика во јавноста.
„Не можам да кажам дека како жена не сум разочарана што во Белата куќа не влезе жена-претседател, но тоа е одраз на демократската волја на граѓаните, како што ќе биде на 11 декември во Македонија, изјави потпретседателката на СДСМ, Радмила Шеќеринска, од хотелот „Александар палас“, каде што американската амбасада организира изборна ноќ“.
Шекеринска, од женски аспект, јасно кажува дека е разочарана што не победила жена на изборите и нагласува дека резултатот бил избор на демократската волја на граѓаните. Таа не спомнува ништо конкретно во врска со кандидатите Доналд Трамп и Хилари Клинтон.
Но, нејзината изјава произволно се толкува и се злоупотребува за да поврзе СДСМ со Сорос.
„Најверојатно, поголемо разочарување за Шеќеринска е тоа дека поразот на Хилари Клинтон всушност значи и пораз на нејзиниот најголем финансиер СОРОС. А Сорос е паралелна власт на СДСМ од 1994-95-та година, која има свои инсталации и кадри во СДСМ, некогаш предводена од Фрчкоски и Ѓунер Исмаил, а сега на чело со Радмила Шекеринска“.
Првиот збор „најверојатно“ јасно говори дека тука станува збор за претпоставки и за сопствени убедувања. Нема докази и аргументи за поврзаноста на Хилари со Сорос, ниту, пак, за поврзаноста на СДСМ и на Шекеринска со Сорос. Сè е само спин и убедување на читателите дека Сорос го финанасира СДСМ.
Тука не се понуадени одговори на неколу прашања. Прво, каква е поврзаноста на Клинтон со Сорос и, второ, каде се доказите за финансиската поврзаност на Шекеринска со Сорос.
„Овој пораз на Сорос во САД ќе има свои реперкусии и во Македонија, затоа Шеќеринска е разочарана“.
Зошто ќе има реперкусии? Повторно нема одговор.
Странските медиуми неодамна пишуваа за бизнис-релациите меѓу Трамп и Сорос, како и дека тие двајцата заедно прославувале Божиќ. Според тоа, се наметнува прашањето, со кого е поврзан Сорос, со Хилари или со Трамп?
Ова се прашања на кои треба да се понудат одговори или да се линкуваат анализи и ставови од други медиуми, за потоа да можат читателите сами да си извлечат заклучок.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
точни наводи
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
официјални
релевантни
1 извор
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
не информира
некреативен
сензационален
соодветен
тенденциозен
ФОТОГРАФИЈА
има
соодветна
информира
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
нема мултимедијални елементи
нема контекстуални линкови
делумно стилски уреден
поврзан со тагови