Кој е криминалецот тука?
Објавено во Рецензии
on 15 - 08 - 2015 Автор: Ана Анастасовска
[Рецензија: ФОТО: Во ноќен бар во Тетово фатени 10 странски државјанки]
Текстот кој е предмет на оваа рецензија е предлог на наш читател, кој се прашува дали „странски државјанки“ е синоним за криминалки кои мора да се фаќаат. „Ако се жртви на трговија со луѓе, како им се помага со тоа што ги покажуваат нивните фотографии и кој му ги дал на порталот?“ – прашува нашиот читател.
Линкуван наслов на анализираниот напис: ФОТО: Во ноќен бар во Тетово фатени 10 странски државјанки
Датум и време на објавување: 14.07.2015
Датум на рецензирање: 13.08.2015
Рецензент: Ана Анастасовска
Она што прво „боде очи“, според нашиот читател, а сигурно и за многумина други, е насловот: „Во ноќен бар во Тетово фатени 10 странски државјанки“. Факт е дека девојките работат нелегална работа, но факт е и дека тие најчесто се жртви на трговијата со бели робје. Според тоа, тие треба да бидат заштитени, а не пласирани во медиумите како најголеми криминалци. Можеби подобро би било кога во насловот би се истакнало дека во ноќен бар во Тетово се фатени луѓето што ги злоупотребиле овие девојки и „ги продавале“ за да профитираат.
Понатаму, спорно е и тоа што во насловот се истакнува „странски државјанки“ и тоа е некаков синоним за проституција. Зарем наши државјанки не се проституираат и не се жртви на трговија со луѓе? Токму тоа и се гледа во текстот.
„Од нив девет се од Република Србија: Ј.С.(27), М.М.(23), К.С.(28), Ј.Т.(21), М.А.(23), С.М.(30), С.М.(27), Т.Т.(25), А.С.(23), С.Г.(20) е од Република Албанија и три државјанки на Република Македонија В.М.(36), Н.К.(32) и Г.М.(37).“
Значи, меѓу девојките имало и Македонки. Нашиот читател, исто така, има право кога вели дека не е во ред да се објавуваат фотографии од девојките, особено што не е наведен изворот на фотографиите. Поради тоа, не може да се каже дали прикажаните девојки се токму тие што се уапсени. Ако се тие, не е етички да се објавуваат фотографии од кои евентуално би можело да се открие нивниот идентитет (дури и со замаглени и свртени лица), особено поради тоа што тие девојки се жртви, а не криминалки.
Во текстот не е наведен ниту изворот на информациите. Напишаното звучи како да е полициски извештај, но авторот не го напишал тоа, поради што не може да се утврди веродостојноста на наводите.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
нема евидентирани извори
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
нема извртување на вистина (спин)
не може да се утврди
Не може да се утврди
КОМЕНТИРАЊЕ
нема коментаторски елементи
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
информира
некреативен
сензационален
соодветен
тенденциозен
ФОТОГРАФИЈА
има
несоодветна
информира
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
неквалитетни мултимедијални елементи
нема контекстуални линкови
делумно стилски уреден
неповрзан со тагови