Кога објави на „Фејсбук“ стануваат репер за ставот на јавноста
Објавено во Рецензии
on 11 - 12 - 2015 Автор: Димитар Тануров
[Рецензија: Граѓаните со масовна поддршка за владините проекти за младите]
Текстот е едностран и наведувачки. Во него се користат само фотографии од објави на социјалните мрежи, не се вметнати реакции на студентските здруженија и се дава само дел од говорот на премиерот.
Линк до оригиналниот напис: Граѓаните со масовна поддршка за владините проекти за младите
Датум и време на објавување: 08.12.2015, 14:52
Датум на рецензирање: 10.12.2015
Рецензент: Димитар Тануров
СЕЛЕКТИВНОСТ
„Двата проекти за младите кои ги најави премиерот, Никола Груевски во синоќешното обраќање наидоа на масовна поддршка кај граѓаните на социјалните мрежи.
Граѓаните коментираат дека помошта за младите лица со овие мерки е голема и додаваат дека истите претставуват големо растеретување на буџетот на студентите и средношколците.“
Авторот на текстот селективно користи објави на социјалната мрежа „Фејсбук“, односно ги презентира само статусите на тие што се поддржувачи на владината мерка. Истовремено, објавите на социјалните мрежи не се сметаат за соодветно мерење на ставот на јавноста за одредено прашање.
Во текстот е наведена само изјавата на премиерот Никола Груевски, со која се најавува новата владина мерка, но не се дава реакцијата на „Студентки пленум“, кој вчера излезе со став дека мерката е добредојдена, но поради моментот на најавување, сметаат дека станува збор за злоупотреба за предизборни цели:
„Мораме да кажеме дека оваа мерка е добредојдена, во место како Македонија каде што има 50 отсто младинска невработеност. Тоа е своевидно олеснување на животот на студентите. Меѓутоа, мораме да го коментираме и моментот во кој се најавува оваа мерка, затоа што сметаме дека е злоупотреба за предизборни цели – вели Дарко Малиновски од „Студентски пленум“.“
Користејќи ги селективно избраните објави на социјалната мрежа „Фејсбук“ и испуштајќи ја реакцијата на студентското здружение, читателот не може да добие реална претстава, туку добива еднострана информација во полза на власта.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
делумно
делумно
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
официјални, неофицијални
релевантни, нерелевантни
повеќе извори
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
делумно прикажува вистина
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
издвоено од фактите
ПЛАГИЈАТ
не може да се одреди
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
несоодветна
манипулира
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
солидни мултимедијални елементи
нема контекстуални линкови
делумно стилски уреден
неповрзан со тагови