Кога мртвите ќе воскреснат и ќе дадат изјава!
Објавено во Рецензии
on 18 - 08 - 2016 Автор: Димитар Тануров[Рецензии: Страшно пророштво на старецот Иларион – Ќе си ги продавате душите, а во светот ќе завладее ЗЛО]
Написот e објавен во сосема несоодветна категорија, односно во „Свет“ и во „Регион“, каде се објавуваат актуелни информации од светската сцена. Информацијата не е целосно разработена, па поради тоа повеќе наликува на блоговска објава на теорија на заговор отколку на извадок од религиозно и филозофско писание.
Линк до оригиналниот напис: Страшно пророштво на старецот Иларион – Ќе си ги продавате душите, а во светот ќе завладее ЗЛО
Датум и време на објавување: 13.08. 2016
Датум на рецензирање: 16. 08. 2016
Рецензент: Димитар Тануров
ЦРНИ ПРОГНОЗИ
„Старецот Иларион изрече застрашувачко пророштво за времињата кои доаѓаат, а кои како што вели ќе биде незамисливо тешко“.
Главата на веста е сосема нејасна, не се изнесува кој е старецот Иларион, а според конструкцијата на реченицата и временската форма, се добива впечаток дека изјавата е дадена сега и тоа лично на самиот новинар.
Во остатокот од текстот се пренесува изјава на лицето која, имајќи ја предвид временската одредница, наликува на изјава на нов самопрогласен месија кој дава црни прогнози за иднината на човештвото.
Написот не ги исполнува новинарските стандарди кои наметнуваат во главата на веста да се одговорат главните прашања: што, кој, кога, каде, зошто и како. Без да се одговори на овие прашања, не може да се добие целосна претстава. Во конкретниот случај, со необјаснување кој е старецот Иларион, кога и каде го рекол изнесеното, како и со користење на несоодветно време во речениците, се создава сосема погрешна претстава. Всушност, станува збор за Старецот Иларион Аргату (1913-2006), кој се смета за еден од современите романски духовници, кој преку беседи ја пророкува душевната состојба на денешницата и последиците од неа. Токму овој извадок од неговите беседи е преведен од старогрчки и објавен во мај годинава на религиската веб-страница „Амвон“.
Ваквиот начин на информирање, со испуштање важни информации, е карактеристичен за спинување или за собирање кликнувања. Во овој случај, очигледно дека преку премолчување податоци се обидува да се привлече вниманието на читателската публика за да ја отвори објавата. Таквиот начин на информирање може да биде контрапродуктивен, особено зашто кај читателите создава чувство на измаменост и недоверба во медиумот.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
анонимни
нерелевантни
1 извор
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
не може да се утврди
извртување на вистина (спин)
не може да се утврди
комерцијална пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
не може да се одреди
ненаведен автор
КВАЛИТЕТ НА НАСЛОВОТ
дезинформира
некреативен
сензационален
соодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
нема мултимедијални елементи
нема контекстуални линкови
делумно стилски уреден
неповрзан со тагови