Вирус во медиумската содржина
Објавено во Рецензии
on 18 - 08 - 2016 Автор: Зоран Бојаровски
[Рецензија: Луксузниот џип во кој се возеше Шеќеринска уништен на грчката граница]
Да имаше пулс од срце на одговорно и професиоално новинарство, оваа медиумска содржина немаше го привлече внимателното око на рецензентите на „Сервисот за проверка на фактите од медиумите“. Наместо да биде и да остане непристрасна техничка информација за една сообраќајна несреќа, само со еден пасус оваа информација прекрши дури 4 членови од Кодексот на новинарите.
Ќе почнеме со непочитувањето на принципот за информирање во случаи на несреќи, елементарни непогоди, војни, семејни трагедии, болести, судски постапки, кој налага известување ослободено од сензационализам (член 8 од Кодексот)
Не порекнуваме дека во овој случај, бидејќи се работи за позната јавна личност како еден од учесниците во сообраќајката, интересот на јавноста е подигнат на повисок степен, но тоа не е причина за да се политизира настанот и да му се дава нота на политички „отстрел“.
Линк до оригиналниот напис: Луксузниот џип во кој се возеше Шеќеринска уништен на грчката граница
Датум и време на објавување: 17.08.2016, 12:21
Датум на рецензирање: 18.08.2016
Рецензент: Зоран Бојаровски
ИСПОЛИТИЗИРАНА СООБРАЌАЈКА
Последниот пасус на информацијата е вирусот во оваа сторија и тој го нарушува стандардот дека „новинарите треба да прават разлика меѓу фактите и мислењата, меѓу веста и коментарот“ (член 13 од Кодексот).
Полнежот на тој вирус го повлекува третото прекршување на новинарскиот Кодекс кој нагласува:
Известувањето од политичките процеси, особено од изборите, треба да биде непристрасно и избалансирано. Новинарот мора да обезбеди професионална дистанца од политичките субјекти.
Новинарскиот збор, пак, овде употребен како „оружје“ за политичка дискредитација е во спротивност со членот 16 од Кодексот, кој на новинарите им наложува да го чуваат угледот и достоинството на својата професија и да не го употребуваат својот медиум за пресметка со личности.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
Делумно
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
официјални, неофицијални
релевантни, нерелевантни
не може да се утврди
повеќестрани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
делумно прикажува вистина
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
наведен автор
КВАЛИТЕТ НА НАСЛОВОТ
информира
некреативен
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
наведен автор(извор)
ГОВОР НА ОМРАЗА
навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
нема мултимедијални елементи
нема контекстуални линкови
делумно стилски уреден
поврзан со тагови