Кажете го она што сакаме да го чуеме!
Објавено во Рецензии
on 12 - 02 - 2016 Автор: Љубомир Костовски
[Рецензија: Ванхојте за средбата со Милчин: „Дури и во оваа држава“ имам право на приватност]
На еден портал за два часа излегоа двa написа за ист настан. Ова е вториот и тој се обидува да добие посаглам потврда од еден од актерите на настанот. Истовремено, се забележува упорност во барањето потврда на изнесеното во првата вест и тука има своевидна испрашувачка настојчивост. Но, откако изворот бил упорен во држењето до своите мотиви, се отишло на претворање на веста во наменско портретирање на изворот. Се работи, инаку, за олеснувачот Питер Ванхауте и за неговото приватно пиење кафе во еден ресторан во Дебар-маало.
Линк до оригиналниот напис: Ванхојте за средбата со Милчин: „Дури и во оваа држава“ имам право на приватност
Датум и време на објавување: 10.02.2016, 14:55
Датум на рецензирање: 11.02.2016
Рецензент: Љубомир Костовски
ПОТВРДЕНА СРЕДБА, НЕ И СОДРЖИНА
„Питер Ванхојте, европскиот олеснувач во политичкиот дијалог потврди дека денеска имал средба до челните луѓе од СОРОС фондацијата во Македонија. Како што објави „Република“, во период кога траат консултациите за законот за медиуми, на средбата Владимир Милчин и други неколкумина од организациите – ќерки на Сорос, од Белгиецот барале „да се продолжи со притисокот“. Ванхојте ја потврди средбата , но сепак тој не сакаше да ја коментира содржината од средбата, ниту за што тоа се барало да се продолжи со притисок.“
Логиката на текстот поаѓа од една хипотеза – предлогот на Ванхауте за регулирање на медиумската сфера е желба на невладините организации (под „а“); невладините организации се под шаторот на опозицијата (под „б“); оттаму предлогот на Ванхауте е пристрасен и треба да се одбие како таков (под „в“).
За да се докаже таа теза, текстот нема „штоф“ и се базира само на една точна вест: посредникот и неколку поранешни и сегашни членови на невладини организации си пиеле кафе.
Претходната вест дека членовите на НВО со кафето побарале и зголемен притисок од Ванхауте врз учесниците во преговарачкиот процес кај реформите од медиумската сфера, останува на недефиниран извор и едноставно – виси.
На телефон е добиена потврда од Ванхауте дека пиел кафе, дека е тоа приватна средба и дека тој има право на тоа. Наведувањето низ прашањето дека таа средба има врска со споменатата хипотеза не минува крај тврдиот Ванхауте и затоа следува дефокусирање од типот: „ако соговорникот не ни го потврди бараното, не чини соговорникот“ !!!
Во текстот, меѓу другото, се забележува и дека:
„За време на преговорите, пак, тој (Ванхауте н.з.) не се воздржуваше од недоличен и безобразен речник.“
Само, од каде знае авторот што рекол Ванхауте кога тие средби се затворени!? Реченицата е пишувана во директна форма, како да е кажана од сведок на настаните.
За да се заокружи сликата дека Ванхауте, наводно, „ја мрази државава“, се понудени негови фотографии кои ги правел во слободно време, што, пак, не докажуваат ништо. Дадена е и фотографија на Ванхауте со две девојки, со асоцијација дека се работи за „срдечност со подмладокот на СДСМ“.
И така, од пиењето кафе на олеснувачот со членови на НВО, оваа медиумска содржина доаѓа до тоа дека посредникот се сликал со наводни две претставнички на подмладокот на СДСМ, ја мразел земјата во која престојува… Каква кармакаша…
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
делумно
делумно
ИЗВОРИ НА ИНФОРМАЦИИ
има евидентирани извори
официјални, анонимни
релевантни, нерелевантни
не може да се утврди
повеќестрани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
информира
некреативен
несензационален
соодветен
јасен
ФОТОГРАФИЈА
има
несоодветна
манипулира
ненаведен автор(извор)
ГОВОР НА ОМРАЗА
навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
солидни мултимедијални елементи
има контекстуални линкови
стилски уреден
поврзан со тагови